Міліцыя шукае 26-гадовага мінчаніна

Супрацоўнікі крымінальнага вышуку Цэнтральнага РУУС сталіцы вышукваюць пацярпелых ад махлярскіх дзеянняў 26-гадовага мінчаніна.

Апошні паабяцаў правесці ў гасцініцы «Вікторыя» па праспекце Пераможцаў канферэнцыю на тэму «Запуск бізнесу: як сэканоміць на старце». З гэтай мэтай ён завалодаў грашовымі сродкамі грамадзян, якімі яны аплачвалі свой удзел у названым мерапрыемстве. Для гэтага яны пераводзілі сумы на рахунак EazyPay махляра. Аднак ніякай канферэнцыі ў выніку так і не адбылося, а грамадзянам была нанесена матэрыяльная шкода. Варта адзначыць, што з мужчынам ахвотныя наведаць мерапрыемства мелі кантакт толькі пра інтэрнэт. Ім можна толькі паспачуваць, хоць пасля таго, што адбылося, назва прапанаванай канферэнцыі падаецца крыху здзеклівай. Малады чалавек як быццам увасобіў у жыццё анекдот...