Жыў-быў у лесе павучок Гоша. Ён вельмі хацеў знайсці сяброў. Сплёў павуцінку і прытаіўся за лісточкам.
Ляцела пчолка Агата па сваіх справах і заблыталася ў павуцінцы.
— Дапамажыце! — пачала прасіць Агата.
— Як ты будзеш са мной сябраваць, то я табе дапамагу, — адгукнуўся павучок.
— А хіба так сяброў шукаюць? — запыталася Агата.
— А як? — здзівіўся павучок.
— Яны самі знаходзяцца, іх шукаць не трэба, — адказала пчолка.
Гоша засаромеўся, вызваліў Агату з павуціння і пажадаў шчаслівай дарогі.
— Не сумуй, я буду з табой сябраваць, — усміхнулася Агата.
— А я табе прыгожую хусцінку магу сплесці, — усцешыўся Гоша.
— Да сустрэчы, сябра! — прагудзела пчолка і паляцела далей.
А ўзрадаваны Гоша пачаў прыдумваць узор для хусцінкі.
Даслала Святлана ПЯСНЯК, г. Свіслач
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
