26 Верасень, серада

Вы тут

Тры рэцэпты смачных страваў для ўсёй сям'і


Салата з буракоў

Спатрэбіцца: адна вялікая морква, адзін вялікі або два невялікія буракі, алей, цыбуля рэпчатая і два кіслыя яблыкі. Спецыі дадаюцца на свой смак.

Буракі наразаем саломкай або дробнымі кубікамі, яблыкі і моркву надзіраем на буйной тарцы, цыбулю наразаем любым зручным спосабам, галоўнае — невялікімі скрылёчкамі.

У разагрэтую патэльню наліваем алей і смажым спачатку цыбулю, затым дадаём да яе моркву ды буракі і солім, трохі перчым. Смажым практычна да гатоўнасці і ў канцы дадаём надзёртыя яблыкі. Смажым яшчэ пару хвілін і здымаем патэльню з агню.

Можна падаваць цёплай ці халоднай.


«Кураняты»

Спатрэбіцца: яйкі вараныя — 3 шт., маянэз — 1 ст. л., соль і спецыі — на смак, перац-гарошак — 8 шт., маленькі кавалачак морквы, зяленіва.

Яйкі разрэжце напалам, праразаючы край зубчыкамі так, каб верхняя частка была крыху меншая за ніжнюю. Гэта вельмі зручна рабіць кончыкам тонкага нажа. Жаўток выміце, змяшайце з маянэзам, соллю і спецыямі. Атрыманай жаўтковай масай напоўніце ніжнія палавінкі бялку. З гарошын перцу зрабіце вочкі, а з варанай морквы — дзюбы. Накрыйце зверху «капялюшыкамі» і ўпрыгожце галінкамі пятрушкі.


Язык пад грыбным соусам

Спатрэбіцца: ялавічны язык — 1 шт., шампіньёны — 300 г, вяршкі (лепш 20 % тлустасці) — 250 г, цыбуля — 1 шт., зяленіва на смак, алей для смажання, соль і перац на смак.

Язык трэба адварыць поўнасцю, астудзіць і нарэзаць лустачкамі прыкладна ў адзін сантыметр таўшчынёй. Кроп і пятрушку насекчы дробна. Цыбулю парэзаць дробнымі кавалачкамі, шампіньёны гэтак жа. На патэльню наліць алей і абсмажыць спачатку цыбулю напалову, дадаць да яе грыбы, паперчыць і пасаліць і смажыць разам, пакуль не будзе гатова. Пасля дадаць вяршкі і патушыць хвілін пяць.

На талерку прыгожа выкласці нарэзаны язык і заліць грыбной падліўкай. Зверху пасыпаць пасечаным зяленівам.

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.