Вы тут

Фестываль "Тбілісоба" адбудзецца ў Верхнім горадзе 1 верасня


Фестываль "Тбілісоба" адбудзецца ў Верхнім горадзе 1 верасня, паведамілі ў Амбасадзе Грузіі ў Беларусі.


Фота: minsknews.by

- Сёлета фэст пройдзе ў рамках Дзён Грузіі ў Беларусі, - расказаў Надзвычайны і Паўнамоцны Пасол Грузіі ў Рэспубліцы Беларусь Валерый Кварацхелія. - Яны пачнуцца 31 жніўня з паказу кінафільмаў і выставы грузінскіх мастакоў. На наступны дзень, 1 верасня, у Верхнім горадзе разгорнецца фестываль "Тбілісоба". Ужо вядома, што на адкрыццё прыбудуць прадстаўнікі мэрыі Тбілісі. Такая дамоўленасць дасягнута ў час сустрэчы мэра Тбілісі са старшынёй Мінгарвыканкамана Днях Мінска ў Тбілісі, якія прайшлі ў канцы сакавіка ў рамках візіту Прэзідэнта Беларусі ў Грузію.

Акрамя традыцыйнага спонсара фестывалю - кампаніі "Баржомі" - паўдзельнічаць у цяперашнім свяце выказалі жаданне яшчэ чатыры буйныя фірмы. Вядуцца перамовы, у ходзе якіх вызначыцца адна, якая і зоймецца арганізацыяй "Тбілісобы".

- Ужо сёння магу сказаць, што ўпершыню гэтым летам вінаробныя кампаніі пазнаёмяць мінчан з маркамі вінаў, аб якіх у Беларусі пакуль не ведаюць, - працягвае Валерый Кварацхелія. - Хутка ў Мінску з'явіцца Дом Грузіі, таму госці фестывалю змогуць паспрабаваць і грузінскія прадукты.

Ствараць настрой будуць грузінскія калектывы, а завершыцца вялікае свята фестывалем электроннай музыкі.

На наступны дзень, 2 верасня, ансамбль "Эрысіёні" пакажа праграму "Легенды Грузіі", якая стане фінальным акордам Дзён Грузіі ў Беларусі.

Мінск-Навіны

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».