Вы тут

Тыднёвы агляд падзей у Палаце прадстаўнікоў


Дэпутаты Леанід Брыч і Анатоль Дашко пачалі работу ў выбарчых акругах і наведалі Брэсцкі абласны радзільны дом. Галоўны ўрач Валерый Шугай расказаў, што на святочных выхадных у раддоме з'явіліся на свет чатыры дзяўчынкі і адзін хлопчык. Дэпутаты павіншавалі матуль, а старшыня «Белай Русі» Ленінскага раёна Брэста Таццяна Аўдзяйчук уручыла сертыфікаты дзіцячага гандлёвага цэнтра.


У аўторак Наталля Гуйвік, старшыня Пастаяннай камісіі Палаты прадстаўнікоў Нацыянальнага сходу Беларусі па заканадаўстве, удзельнічала ў пасяджэнні Канстытуцыйнага суда Беларусі, на якім разгледзелі справу аб праве на судовую абарону зацікаўленых асоб у загадным вядзенні (працэдура спагнання запазычанасці). Наталля Гуйвік лічыць, што заканадаўства мае прабел у частцы забеспячэння судовай абароны іншых асоб, правы і законныя інтарэсы якіх могуць быць закрануты пастановай аб судовым загадзе. Каб яго ліквідаваць, неабходна ўнесці змены ў Грамадзянскі і Гаспадарчы працэсуальныя кодэксы Беларусі.

Дзейнасць дэпутатаў за межамі нашай краіны на гэтым тыдні адзначана шэрагам падзей. У панядзелак — аўторак у Вялікіх Луках (Расія) прайшло сумеснае пасяджэнне камісій Парламенцкага сходу Саюза Беларусі і Расіі. На ім разгледзелі пытанні распрацоўкі і рэалізацыі двухбаковых праграм і праектаў, а таксама гарманізацыі заканадаўства ў гандлёва-эканамічнай сферы. Дэпутаты сустрэліся з кіраўніцтвам Пскоўскай вобласці і горада Вялікія Лукі, а таксама наведалі завод электратэхнічнага абсталявання «ЗЭТА».

У Анкары з 10 па 12 красавіка праходзяць кансультацыі паміж Пастаяннай камісіяй Палаты прадстаўнікоў Нацыянальнага сходу Беларусі па міжнародных справах і Камісіяй па замежных справах Вялікага нацыянальнага сходу Турцыі па пытаннях міжнароднага супрацоўніцтва. Бакі абмяркоўваюць развіццё міжпарламенцкіх кантактаў, паглыбленне беларуска-турэцкага супрацоўніцтва ў гандлёва-эканамічнай і гуманітарнай сферах.

Таксама ў гэтыя дні Валянцін Міхневіч, старшыня Пастаяннай камісіі Палаты прадстаўнікоў Нацыянальнага сходу Беларусі па нацыянальнай бяспецы, прымае ўдзел у міжнародным назіранні за выбарамі прэзідэнта Азербайджана ў складзе місіі назіральнікаў ад Садружнасці Незалежных Дзяржаў па лініі Міжпарламенцкай асамблеі дзяржаў — удзельніц СНД.

Надзея АНІСОВІЧ

Загаловак у газеце: Кодэксы і выбары

Выбар рэдакцыі

Грамадства

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

72-і аб'яднаны вучэбны цэнтр, што ў Печах, — самая вялікая воінская часць у Беларусі. 

Грамадства

Распавядаем, як арганізавана меддапамога ў Паставах

Распавядаем, як арганізавана меддапамога ў Паставах

Самым аддаленым ад абласнога цэнтра раёне краіны.

У свеце

Чаму Дональд Трамп захацеў набыць Грэнландыю?

Чаму Дональд Трамп захацеў набыць Грэнландыю?

Цяпер гэтая аўтаномная тэрыторыя ўваходзіць у склад Каралеўства Данія.

Грамадства

Школы Гомельшчыны прайшлі праверку на гатоўнасць да навучальнага года

Школы Гомельшчыны прайшлі праверку на гатоўнасць да навучальнага года

Сё­ле­та ў да­школь­ныя ўста­но­вы ра­ё­на прый­дзе 2 700 ма­лых.