Вы тут

Браканьеры ў Жыткавіцкім раёне лавілі шчупакоў пад'ёмнікам


На возеры ў Жыткавіцкім раёне работнікі Любанскай міжрайінспекцыі затрымалі траіх жыхароў суседняга Салігорскага раёна, якія лавілі шчупакоў пад'ёмнікам («павуком»).


Парушальнікі «рыбачылі» каля помпавай станцыі, дзе рыба ідзе на свежую ваду. Незаконны ўлоў — 91 асобіна шчупака вагой 65 кілаграмаў — абыдзецца ім у 20 тысяч рублёў. Распачата крымінальная справа, паведамілі ў Дзяржінспекцыі.

60 асобін шчупака вылавіў двума кошыкамі з металічнай сеткі жыхар вёскі Дубінка Гродзенскага раёна. Мужчына браканьернічаў забароненымі прыладамі на рацэ Яжовіца, там яго і затрымалі дзяржінспектары. Вага незаконнага ўлову — амаль 20 кілаграмаў, прычыненая прыродзе шкода ацэньваецца ў 13 230 рублёў.

З 43-метровай сеткай выйшлі на ваду двое жыхароў вёскі Чухава Пінскага раёна. На вадасховішчы Пагост яны вылавілі 14 шчупакоў вагой сем кілаграмаў і пяць асобін рыбы іншых відаў. Гэтага было дастаткова, каб шкода перавысіла 100 базавых велічынь, бо падчас нерасту яна вылічаецца ў трайным памеры. Мужчыны ўжо пакрылі 3,5 тысячы рублёў за незаконна здабытую рыбу, тым не менш іх могуць прыцягнуць да крымінальнай адказнасці.

Сяргей РАСОЛЬКА

Загаловак у газеце: Лавілі шчупакоў «павуком»...

Выбар рэдакцыі

Грамадства

Паразуменне падчас капрамонту: праз штрафы ці дамаўленне?

Паразуменне падчас капрамонту: праз штрафы ці дамаўленне?

Культура выканання работ падчас капрамонту ў Беларусі кульгае, а тэхналогія — парушаецца, сведчаць спецыялісты Дзяржбуднагляда.

Грамадства

Заснуць за 60 секунд. ​Што рабіць з бяссонніцай?

Заснуць за 60 секунд. ​Што рабіць з бяссонніцай?

Сон — адна з асноўных патрэб чалавечага арганізма.

Палітыка

Аляксандр Лукашэнка пра Беларусь і Расію: Мы суверэнныя і незалежныя дзяржавы

Аляксандр Лукашэнка пра Беларусь і Расію: Мы суверэнныя і незалежныя дзяржавы

Прэзідэнт Беларусі Аляксандр Лукашэнка правёў нараду па пытаннях беларуска-расійскага супрацоўніцтва ў ваеннай сферы.