«Часцінка Сусвету»
АНТ, з 16 красавіка
Фільм Валерыя Тадароўскага і Алены Званцовай анансаваны як «касмічны трылер, у якім ёсць каханне, подзвіг, сяброўства і здрада». Здымкі 8-серыйнай гісторыі, дарэчы, праходзілі на тэрыторыі Цэнтра кіравання палётамі ў Зорным гарадку, а таксама ў сапраўднай сурдакамеры (гукаізаляванае памяшканне, дзе трэніруюцца касманаўты), і акцёры некалькі месяцаў займаліся на трэнажорах, каб звыкнуцца з імітацыяй бязважкасці.
...Тры касманаўты адпраўляюцца на арбіту, каб аб'яднацца з амерыканскімі астранаўтамі і ліквідаваць на МКС наступствы сур'ёзнай аварыі. У склад касмічнай тройцы ўваходзіць былы бізнесмен, які займаўся касмічнай оптыкай, Андрэй Каманін. Калегі па экіпажы новаму напарніку, мякка кажучы, не рады, а жонка Андрэя напярэдадні палёту паведаміла, што кахае іншага, але пагадзілася яшчэ нейкі час іграць ролю вернай жонкі... І яшчэ невядома, чые выпрабаванні будуць цяжэйшымі — тых, хто працуе на арбіце, альбо тых, хто чакае на Зямлі.
«Найлепшы» тыдзень майго жыцця»
«Беларусь 2», з 17 красавіка
Камедыйны серыял на тэму «сямейнага вэрхалу». У цэнтры яго — закаханыя Ігар і Вольга, якія хутка збіраюцца пажаніцца. Бацькі нявесты прапануюць пары апошні тыдзень перад вяселлем пажыць у іх доме. І тут высвятляецца, што будучыня не будзе бясхмарнай: бацька нявесты, армейскі генерал, ніяк не хоча прымаць зяця-кандытара, які нават не служыў...
«Біятлон.by. Эстафета пакаленняў»
«Беларусь 1», 19 красавіка
Спартыўны журналіст Ганна Эйсмант мае багаты вопыт здымак дакументальных фільмаў: яна расказвала гледачам эксклюзіўныя гісторыі Руслана Салея, Якава Шапіры, Максіма Мірнага, Віталя Шчэрбы. Новы фільм — пра шлях беларускага біятлона ад распаду СССР да сучаснасці.
Знакамітыя страляючыя лыжнікі Уладзімір Драчоў, Святлана Парамыгіна і іншыя ўспомнілі, як у 90-я за ўласны кошт «даставалі» лыжы і выходзілі на старт у самых танных касцюмах; чатырохразовая алімпійская чэмпіёнка Дар'я Домрачава расказала аб сваім з'яўленні ў камандзе Беларусі, а прадстаўнікі Беларускай Федэрацыі біятлона — пра эксперыментальную праграму выхавання новай біятлоннай змены.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.