Вы тут

300 кіламетраў за 6 дзён


Пераадолеюць удзельнікі велапрабегу па дарогах Гродзеншчыны і Брэстчыны. А завершыцца цікавая вандроўка ў самым сэрцы Белавежскай пушчы!


Штогадовы велапрабег у падтрымку Мэт устойлівага развіцця #Bіkе4SDGs сёлета пройдзе з 24 па 29 красавіка. Як паведамілі арганізатары, маршрут значна павялічыўся па працягласці і дыстанцыі. Удзельнікі, як і мінулым разам, стартуюць з Гродна і цяпер за 6 дзён павінны пераадолець каля 300 кіламетраў па дарогах Гродзенскай і Брэсцкай абласцей. Фініш адбудзецца ў Белавежскай пушчы.

Сёлета велапрабег прысвяцілі такім важным тэмам, як інклюзія людзей з інваліднасцю, значнасць захавання лясоў, папулярызацыя экалагічнага і інклюзіўнага турызму ды іншым.

Арганізатары прапануюць 29 красавіка усім ахвотным далучыцца да ўдзелу ў велапрабегу па адным з самых старэйшых і прагожых лясоў Еўропы — Белавежскай пушчы. Працягласць дыстанцыі — 21 кіламетр.

Дарэчы, маршрут, як абяцаюць арганізатары, здольныя пераадолець людзі з інваліднасцю і нават дзеці.

Напрыканцы ўдзельнікаў чакаюць канцэрт і выставы праектаў праграмы развіцця ААН і мясцовых рамеснікаў. Удзел у велапрабегу бясплатны. Абавязковая рэгістрацыя па спасылцы. Яна завершыцца 15 красавіка. Колькасць месцаў абмежаваная.

Вольга АНУФРЫЕВА

Выбар рэдакцыі

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне. 

Грамадства

Чаму карты на беларускай мове — гэта стапрацэнтны эксклюзіў?

Чаму карты на беларускай мове — гэта стапрацэнтны эксклюзіў?

Першай грунтоўнай работай айчынных картографаў па-беларуску стаў Нацыянальны атлас, выпушчаны ў 2002 годзе.

Культура

Што агульнага паміж творчасцю і «табурэткай»?

Што агульнага паміж творчасцю і «табурэткай»?

Дзе можна асвоіць літаратурнае майстэрства? Як становяцца пісьменнікамі?

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.