Вы тут

Выява будынку Дзяржкамітэта судовых экспертыз патрапіла на канверт


Сёлета ў Беларусі стала на адно прафесійнае свята больш. 22 красавіка будзе адзначацца Дзень судовага эксперта. Менавіта ў гэты дзень у 2013-м годзе быў падпісаны Указ, які і стварыў Дзяржаўны камітэт судовых экспертыз.


Да першай юбілейнай даты ДКСЭ і Белпошта падрыхтавалі адмысловы паштовы праект. Трыццацітысячным тыражом быў аддрукаваны памятны канверт, на які нанесены малюнак будынка і эмблемы Дзяржаўнага камітэта, а таксама словы: «Аб'ектыўнасць. Гонар. Айчына», якімі ў сваёй працы штодня кіруюцца ўсе супрацоўнікі адзінага экспертнага ведамства. Цырымонія гашэння канверта адбылася ў сталіцы.

- Мы стараемся ў паштовым летапісе адзначаць знакавыя для нашай краіны падзеі, у тым ліку юбілейныя, - зазначыў першы намеснік міністра сувязі і інфарматызацыі Дзмітрый Шэдко. - Таму для нас было гонарам уключыць у гэты спіс і маркіраваны канверт, прысвечаны гэтай памятнай даце для судовых экспертаў.

А старшыня ДКСЭ Андрэй Швед, падводзячы вынікі першых 5 год працы ведамства, адзначыў вялікі прагрэс у беларуска-кітайскіх прафесійных стасунках.

- Мы завяршылі ў 2017 годзе трохгадовы цыкл узаемных абменаў з Кітаем. На наступным тыдні група спецыялістаў з Міністэрства грамадскай бяспекі Кітая наведае Беларусь. У нашых планах – сумесныя ўзаемныя стажыроўкі. Правялі цыкл выпрабаванняў навейшых узораў кітайскага абсталявання. Плануем даследаваць узоры ДНК, што дапамагае раскрываць злачынствы мінулых гадоў. У перспектыве аўтаматызацыя дапаможа стварыць базу, якая дазволіць выкрываць злачынцаў у тым выпадку, калі яны пакінулі свае біялагічныя сляды.

Нашы партнёры з Паднябеснай дапрацоўваюць прыборы. Таксама да нас паступаюць кітайскія расходныя матэрыялы, якія па кошце ніжэйшыя за аналагі, а па якасці ім не саступаюць.

Валяр’ян ШКЛЕННІК

Выбар рэдакцыі

Эканоміка

Як генафонд раслін адаптуецца да змен клімату

Як генафонд раслін адаптуецца да змен клімату

Работа па вывучэннi генетычных рэсурсаў раслiн у Беларусi была пачата яшчэ ў 20-я гады мiнулага стагоддзя.

Грамадства

Паэт Iван Юркiн: З жонкай упершыню пацалаваўся ў дзень вяселля 47 год таму

Паэт Iван Юркiн: З жонкай упершыню пацалаваўся ў дзень вяселля 47 год таму

Песнi на вершы Iвана Юркiна карыстаюцца вялiкай папулярнасцю. Хто не ведае гiмна гасцiннасцi нашай краiны — «Прыязджайце да нас у Беларусь»? Вось таму было цiкава пазнаёмiцца з музай паэта — яго жонкай Надзеяй Iванаўнай. 

Грамадства

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Сусветны тыдзень iмунiзацыi сёлета пройдзе з 24 да 30 красавiка пад лозунгам #Vaccines Work for AN# — «За агульны доступ да эфектыўных вакцын».

Грамадства

Карэспандэнты «Звязды» выправiлiся ў рэйд з супрацоўнiкамi ДАI

Карэспандэнты «Звязды» выправiлiся ў рэйд з супрацоўнiкамi ДАI

Абстаноўка на дарогах Мiнскага раёна — не з самых простых.