На гэтым тыдні атмасферныя франты выціснулі цёплае паветра за межы нашай краіны. А потым з паўночна-заходнімі патокамі ў атмасферы да нас накіравалася няўстойлівае і больш халоднае паветра з поўначы Скандынавіі. У найбліжэйшыя дні чакаецца няўстойлівае надвор'е, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Сёння ўдзень пераважна па ўсходняй палове краіны пройдуць кароткачасовыя дажджы. Днём на большай частцы тэрыторыі чакаецца паўночна-заходні, паўночны вецер парывамі да 15—18 м/с. Тэмпература паветра будзе ад плюс 10 да плюс 16 градусаў, па паўднёвым захадзе краіны паветра прагрэецца да 18 цяпла. У пятніцу пры павышаным фоне атмасфернага ціску будзе без істотных ападкаў. Тэмпература ўначы апусціцца да плюс 3—8 градусаў, удзень стане крыху цяплей і будзе ад плюс 14 па паўночным усходзе да плюс 22 па паўднёвым захадзе краіны.
Пад уплывам атмасферных франтоў ад цыклону, які будзе перамяшчацца ўздоўж паўночна-ўсходніх межаў Беларусі, у суботу ўначы па поўначы, а днём пераважна па паўночна-ўсходняй палове краіны пройдуць кароткачасовыя дажджы, магчымы навальніцы. Раніцай і ўдзень у многіх раёнах краіны чакаецца моцны парывісты вецер. Уначы будзе 6—11 цяпла, а ўдзень — ад 13 цяпла па поўначы да плюс 24 градусаў па поўдні краіны. Паводле папярэдніх прагнозаў айчынных сіноптыкаў, у нядзелю захаваецца няўстойлівае ветранае надвор'е і стане халадней.
Сяргей КУРКАЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
