Вы тут

Студэнты БДУ прапануюць зручныя ў выкарыстанні экалагічныя ўгнаенні


Студэнцкі праект БДУ «Экаўгнаенні для ўстойлівага развіцця сельскай гаспадаркі і зялёнай эканомікі» стаў абсалютным пераможцам у намінацыі «Аграпрамысловыя тэхналогіі і вытворчасць» на Рэспубліканскім маладзёжным конкурсе «100 ідэй для Беларусі». Яго аўтарамі выступілі трэцякурснікі хімічнага факультэта Лізавета Сяргеева-Някрасава і Максім Мацавіла. Таксама ў каманду распрацоўшчыкаў увайшла дзесяцікласніца сталічнай гімназіі № 6 Яна Дрозд.


Ідэя, прапанаваная маладымі даследчыкамі, скіравана на вытворчасць зручных у выкарыстанні экалагічных угнаенняў. Працэс безадходны і заснаваны на прымяненні біяраскладальнай, цалкам растваральнай у вадзе плёнкі, распрацаванай у лабараторыі Навукова-даследчага інстытута фізіка-хімічных праблем БДУ.

Спецыяльна спакаваныя гранулы мікраўгнаенняў палягчаюць догляд раслін, зніжаюць рызыку няправільнага ўвядзення падкормкі ў глебу і скарачаюць частату паліву за кошт паступовага вызвалення дзейных элементаў і павольнага растварэння плёнкі.

У якасці асноўных кампанентаў угнаення выступаюць адходы буйнатанажных вытворчасцяў. У прыватнасці, лігнін назапашаны ў цяперашні час у адвалах у колькасці больш за тры мільёны тон. Таксама ў склад уваходзіць сумесь мона- і дыгідрафасфату калію. Дадзены састаў фарміруе канкурэнтныя перавагі інавацыі і забяспечвае яе эканамічную даступнасць.

Угнаенні былі пратэсціраваныя ў Інстытуце глебазнаўства і аграхіміі НАН Беларусі і Беларускай дзяржаўнай сельскагаспадарчай акадэміяй. Было здзейснена аграхімічнае культываванне на глебах азімых, яравых збожжавых культур і кукурузы, а таксама на агародніне ў закрытым грунце. Паўсюдна адбылося павелічэнне ўсіх якасных паказчыкаў.

Надзея НІКАЛАЕВА

Загаловак у газеце: Зручнае і дружалюбнае

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».