Чытацкі білет для пасла

Сустрэча з Надзвычайным і Паўнамоцным Паслом Казахстана ў Беларусі Ермухаметам Ертысбаевым прайшла ў Прэзідэнцкай бібліятэцы Рэспублікі Беларусь.

Спадар пасол прэзентаваў кнігу Прэзідэнта Рэспублікі Казахстан Нурсултана Назарбаева «Эра Незалежнасці». Пасля свайго выступлення дыпламат адказаў на шматлікія пытанні зацікаўленых супрацоўнікаў і чытачоў бібліятэкі, а таксама падарыў установе ўласную кнігу «Казахстан і Назарбаеў: логіка перамен» ды іншыя выданні. Беларускі бок шчыра падзякаваў паслу за цікавую гутарку: дырэктар бібліятэкі Сяргей Квачан уручыў Ермухамету Ертысбаеву чытацкі білет Прэзідэнцкай бібліятэкі Рэспублікі Беларусь.

Паспяховая сустрэча паспрыяла пашырэнню літаратурных стасункаў у межах культурнага супрацоўніцтва Беларусі і Казахстана.

Дар’я ЧАРНЯЎСКАЯ