Малады чалавек у сталіцы пасварыўся з дзяўчынай і вырашыў спагнаць злосць на аўтамабілі. Увечары ў аператыўна-дзяжурную службу Маскоўскага РУУС паступіла паведамленне аб тым, што па вуліцы Касманаўтаў ён пашкодзіў «Kіа», прыпаркаваны каля крамы.
Мінакі пачулі гукі ўдараў і ўбачылі, як мужчына б'е нагамі па аўтамабілі. Відавочцы ўтрымлівалі яго на месцы здарэння да прыбыцця міліцыянераў. Пазней супрацоўнікам крымінальнага вышуку грамадзянін расказаў, што незадоўга да таго, што адбылося, пасварыўся з дзяўчынай, пасля чаго ўжываў спіртныя напоі. Вяртаючыся дадому, вырашыў яшчэ выпіць, аднак крама ўжо была зачыненая. Тады мужчына вырашыў спагнаць злосць на прыпаркаваным побач аўтамабілі і стаў біць па ім нагамі. Устаноўлена, што зламыснік у момант здзяйснення хуліганства знаходзіўся ў стане алкагольнага ап'янення. У крыві мужчыны выяўлена больш за два праміле алкаголю.
Грамадзянін 1994 года нараджэння працуе кандытарам на адным са сталічных прадпрыемстваў. Раней да крымінальнай адказнасці не прыцягваўся. А зараз можа быць пазбаўлены волі на тэрмін да трох гадоў.
Сяргей РАСОЛЬКА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.