Вы тут

МАЗы ўвайшлі ў топ-5 ралі «Золата Кагана»


Экіпажы каманды «МАЗ-СПОРТаўта» ўвайшлі ў пяцёрку найлепшых на ралі «Золата Кагана», якое праводзіцца ў Астраханскай вобласці Расіі. Гэтым разам Мінскі аўтазавод выставіў на гонку два грузавікі, менавіта ў студзені яны выдатна паказалі сябе на «Дакары».


Траса для экіпажаў Сяргея Вязовіча і Аляксея Вішнеўскага не ўяўляла б вялікіх цяжкасцяў, калі б не тэхнічныя праблемы і зробленыя памылкі ў навігацыі. Гэта не дазволіла трапіць беларускай камандзе ў тройку лідараў. Сяргей Вязовіч скончыў гонку на чацвёртым месцы (прайграў пераможцу ралі расіяніну Андрэю Каргінаву 40 хвілін), Аляксей Вішнеўскі стаў пятым (46 хвілін). Усяго ж спартыўныя МАЗы патрацілі на спецучастках каля дзевяці гадзін, прапусціўшы наперад толькі тры машыны каманды КАМАЗа.

Як паведаміў кіраўнік каманды Сяргей Вязовіч, на «Золаце Кагана» гоншчыкі праводзілі эксперыменты з машынамі, таму на высокі вынік не разлічвалі. МАЗы змаглі добра паказаць сябе на пралогу, але на другім этапе ўзніклі тэхнічныя праблемы.

«На 80-м кіламетры ад старту лопнуў пярэдні стабілізатар, а потым адарваўся і задні, у выніку давялося знізіць тэмп. Бліжэй да фінішу ўзніклі праблемы з глушыцелем, але мы здолелі праехаць спецучастак», — дадаў Сяргей Вязовіч.

На трэцім этапе беларусы, дзякуючы добраму старту, здолелі апярэдзіць амаль усе камазаўскія экіпажы, але дапусцілі памылкі ў навігацыі, з-за чаго «дадалі» сабе лішніх 57 кіламетраў і страцілі час. Для Аляксея Вішнеўскага апошні этап таксама склаўся не зусім добра.

«Недзе праз 50 кіламетраў ад старту ў нас сарвала шланг гідраўзмацняльніка, так што руль перастаў працаваць. Патрацілі каля 10 хвілін на рамонт. У цэлым гонка прайшла нядрэнна. Выступленнем задаволеныя. Усяго праехалі больш за 500 кіламетраў», — расказаў Аляксей Вішнеўскі.

Зараз МАЗы пачнуць падрыхтоўку да ралі-рэйду «Шаўковы шлях», які стартуе 15 ліпеня ў кітайскім горадзе Сіань і завершыцца 29 ліпеня ў Маскве. Камандзе трэба дапрацаваць матор і ў цэлым удасканаліць аўтамабіль.

Ралі «Золата Кагана» праходзіла з 12 да 14 красавіка. У ім прымалі ўдзел 56 экіпажаў (42 аўтамабілі і 14 матацыклаў і квадрацыклаў). На адміністрацыйных і тэхнічных праверках адбыўся адсеў удзельнікаў: з 42 экіпажаў, якія заявіліся ў аўтамабільны залік, толькі 39 было дапушчана да спаборніцтваў. Гэтая гонка вядомая сваімі пяскамі і няпростай навігацыяй. Дыстанцыя хуткасных секцый была пракладзена на правым беразе Волгі, а бівуак традыцыйна разбілі на набярэжнай Волгі.

Ілья КРЫЖЭВІЧ

Выбар рэдакцыі

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў. 

Грамадства

Як працуюць маладыя спецыялісты ў Гарадоцкім раёне

Як працуюць маладыя спецыялісты ў Гарадоцкім раёне

Райцэнтр Гарадок знаходзіцца прыкладна за трыццаць кіламетраў ад Віцебска, недалёка — мяжа з Расіяй. Як там сёння з кадравым пытаннем?

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.