Вы тут

Стартаваў Рэспубліканскі конкурс фотаработ "Запаведная Беларусь"


Арганізатарамі мерапрыемства выступаюць Рэспубліканскі цэнтр інавацыйнай і тэхнічнай творчасці, Міжнародны фонд падтрымкі дзікай прыроды “Чырвоны бор” пры садзейнічанні Міністэрства прыродных рэсурсаў і аховы навакольнага асяроддзя.


Мэты правядзення конкурсу — фарміраванне ў падрастаючага пакалення адказнасці за захаванне разнастайнасці флоры і фауны Беларусі і выхаванне павагі да роднага краю сродкамі фотамастацтва.

Да ўдзелу ў мерапрыемстве запрашаюцца навучэнцы і калектывы навучэнцаў устаноў агульнай сярэдняй, сярэдняй спецыяльнай, прафесійна-тэхнічнай і дадатковай адукацыі дзяцей і моладзі.

Конкурс праводзіцца ў дзвюх узроставых групах (10-14 гадоў і 15-18 гадоў) па наступных намінацыях: “Птушкі”; “Звяры”; “Дзікарослыя расліны"; “Макрасвет”; “Пейзаж”; “Рэдкі від” і “Арт-фота”. Кожны ўдзельнік можа прадставіць на конкурс не больш за тры фотаработы ў любой з намінацый. Агульная колькасць работ ад аднаго ўдзельніка — не больш як пятнаццаць. Арганізатары конкурсу маюць права перамясціць фотаработу ў іншую намінацыю.

Конкурс праходзіць у некалькі этапаў: на ўзроўні ўстановы адукацыі, раённым, абласным і мінскім гарадскім. І апошні этап — рэспубліканскі фінал

Фотаработы для ўдзелу ў IV этапе конкурсу суправаджаюцца заяўкай і высылаюцца не пазней за 31 кастрычніка 2018 года на электронны адрас: omrisv@yandex.by.

Цырымонія ўзнагароджання пераможцаў і прызёраў Рэспубліканскага конкурсу фотаработ  “Запаведная Беларусь” адбудзецца ў рамках Рэспубліканскага тыдня тэхнічнай творчасці “Юнацтва. Інтэлект. Будучыня”  ў лістападзе бягучага года

Больш падрабязна з умовамі правядзення конкурсу можна азнаёміцца ​​тут.

Надзея НІКАЛАЕВА

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Палітыка

Аляксандр Лукашэнка сустрэўся з прадстаўнікамі СМІ Расіі

Аляксандр Лукашэнка сустрэўся з прадстаўнікамі СМІ Расіі

Некалькі рэчаў сёлета адбываюцца ўпершыню.

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.