23 Верасень, нядзеля

Вы тут

Кароткачасовы дождж, магчымы навальніцы


Спецыялісты лічаць, што скарбонка ападкаў папоўніцца, але цалкам кампенсаваць красавіцкі дэфіцыт не атрымаецца.

Дажджлівае надвор'е чакаецца ў нас на гэтым тыдні, паведамілі эксперты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Сёння франтальны падзел з суседняй Польшчы прынясе на большую частку тэрыторыі краіны кароткачасовыя дажджы, у асобных раёнах магчымы навальніцы. Вецер заходні ўмераны, пры навальніцах парывісты. Максімальная тэмпература паветра будзе плюс 11—18 градусаў, у паўночна-ўсходніх раёнах — 9—10 цяпла. У сераду на большай частцы тэрыторыі краіны пройдуць кароткачасовыя дажджы, у асобных раёнах магчымы навальніцы. Уначы і раніцай слабы туман. Вецер заходні ўмераны, удзень па Віцебскай вобласці парывісты. Уначы чакаецца ад плюс 4 да плюс 10 градусаў, удзень — 10—17 цяпла, па поўдні месцамі — ад плюс 18 да плюс 22 градусаў.

Будзе дажджліва і ў чацвер, а ў асобных раёнах магчымы навальніцы. Вецер заходні ўмераны, месцамі парывісты. Тэмпература паветра ўначы складзе ад 4—6 цяпла па поўначы і да плюс 11—13 градусаў па поўдні краіны. Удзень чакаецца ад плюс 12 да плюс 18 градусаў, па поўдні месцамі паветра прагрэецца да 20 цяпла. У пятніцу ўначы месцамі, а ўдзень на большай частцы тэрыторыі краіны пройдуць кароткачасовыя дажджы, у асобных раёнах магчымы навальніцы. Вецер заходні ўмераны. Тэмпература паветра ўначы будзе ад 4 да 11 градусаў вышэй за нуль, а ўдзень — 10—17 цяпла. У асобных раёнах краіны, пераважна па паўночнай палове, чакаюцца невялікія дажджы і ў суботу. Уначы і раніцай слабы туман. Вецер заходні ўмераны. Тэмпература ноччу — 1—7 цяпла, удзень будзе ад плюс 12 па паўночным усходзе да плюс 20 градусаў па паўднёвым захадзе краіны.

Паводле папярэдніх прагнозаў айчынных сіноптыкаў, у нядзелю месцамі па краіне прагназуюцца кароткачасовыя дажджы, магчымы навальніцы. Вецер паўночна-заходні ўмераны. Тэмпература паветра ўначы — 2—8 цяпла, у паўднёва-заходніх раёнах — ад плюс 9 да плюс 11 градусаў. Удзень будзе плюс 15—21 градус, па паўднёвым захадзе — 22—25 цяпла.

Характэрнай асаблівасцю надвор'я ў гэтым месяцы стаў павышаны тэмпературны фон і недабор ападкаў. На большай частцы тэрыторыі краіны іх выпала менш за 50 % месячнай нормы.

Сяргей КУРКАЧ

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.