Вы тут

Прайшло пасяджэнне чацвёртай сесіі шостага склікання Савета Рэспублікі


Пытанні супрацоўніцтва з іншымі краінамі сталі ключавымі на ўчарашнім пасяджэнні чацвёртай сесіі шостага склікання Савета Рэспублікі.

Усяго было разгледжана 14 пытанняў. Знешні гандаль, узаемадзеянне з Шанхайскай арганізацыяй супрацоўніцтва, ЕАЭС, эканамічны суд СНД — палова з іх прысвечана ўзаемадзеянню з замежнымі партнёрамі.


— У цэлым на сесіі ў Савеце Рэспублікі вялікая частка пытанняў звязана з міжнароднай дзейнасцю. Гэта не выпадкова, таму што адно з самых сур'ёзных пытанняў, якое мы павінны вырашаць, — сістэмнае і стабільнае гарантаванне эканамічнай бяспекі Беларусі. Паколькі на дзве траціны наша знешняя эканамічная дзейнасць вызначае ВУП, таму значная ўвага гэтым пытанням, — пракаментаваў журналістам парадак дня Сяргей Рахманаў, старшыня Пастаяннай камісіі Савета Рэспублікі па міжнародных справах і нацыянальнай бяспецы.

Расказаў член Савета Рэспублікі і пра тэзісы, якія асабліва адзначыў у Пасланні Прэзідэнта.

— Кіраўнік нашай дзяржавы ўжо неаднойчы выказваў свой пункт гледжання на працу з партнёрамі на знешнім контуры. Нам трэба рабіць упор на эканоміку, таму што гэта аснова нашай нацыянальнай бяспекі, — сказаў Сяргей Рахманаў.

Актуальным прыкладам узаемадзеяння на найвышэйшым і парламенцкім узроўнях з'яўляецца супрацоўніцтва з Грузіяй. Актыўна ўключаны ў гэту працу і прыватны бізнес.

— Нядаўна ў Савеце Рэспублікі з паслом Грузіі сустракаўся Міхаіл Мясніковіч. Абмяркоўваліся больш дэтальна пытанні інтэнсіфікацыі нашага ўзаемадзеяння, у тым ліку ў сферы высокіх тэхналогій, — паведаміў Сяргей Рахманаў.

Сенатар адзначыў, што акрамя традыцыйных кірункаў партнёрства з Грузіяй важна знаходзіць новыя. Напрыклад, лічбавая эканоміка, інфармацыйныя тэхналогіі, навука, адукацыйная сфера.

Марыя ДАДАЛКА

Загаловак у газеце: Прыярытэт — міжнародны вектар

Дадаць каментар

Выбар рэдакцыі

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.

Грамадства

Як сацыяльная рэклама змяняе стаўленне да бяздомных жывёл

Як сацыяльная рэклама змяняе стаўленне да бяздомных жывёл

«Не кідай мяне на лецішчы», «Я таксама хачу сустрэць Новы год дома» — такія кранальныя словы бачылі жыхары Масквы на білбордах з сацыяльнай рэкламай пра бяздомных жывёл.

Культура

«Свята каваля» прайшло пад Мінскам

«Свята каваля» прайшло пад Мінскам

Кожны ахвотны мог зрабіць што-небудзь з жалеза.

Спорт

Усё пра конны спорт: хараство і небяспека «жыцця» на канюшні

Усё пра конны спорт: хараство і небяспека «жыцця» на канюшні

Ганна Карасёва — самая тытулаваная айчынная спартсменка ў конным спорце, з Задыякам і Арлекінам яна выступае ў самай прыгожай, але адначасова складанай, дысцыпліне — выездцы.