Прыёмная кампанія ажыццяўляецца ў анлайн-рэжыме з дапамогай "Асабістага кабінета абітурыента". Зручны сэрвіс выкарыстоўваецца з мінулага года і дазваляе абітурыентам з аддаленых рэгіёнаў падаваць дакументы, не выходзячы з дому. Электронны рэсурс дазваляе не толькі зарэгістравацца для ўдзелу ва ўступных выпрабаваннях, але і азнаёміцца з раскладам экзаменаў і іх вынікамі. Дакументы прымаюцца ў Ліцэй БДУ да 9 мая ўключна.
Залічэнне ў 10-я класы будзе ажыццяўляцца па выніках двух пісьмовых уступных іспытаў, якія пройдуць 13 і 20 мая. Рэзервовы дзень запланаваны на 26 мая.
Навучанне ў Ліцэі БДУ вядзецца па сямі напрамках: матэматычным, фізічным, хімічным, біялагічным, інфарматыка-матэматычным, філалагічным і гісторыка-грамадазнаўчым.
Усяго ў 2018/19 навучальным годзе плануецца адкрыць дванаццаць класаў: па два матэматычных, фізічных, біялагічных, філалагічных, гісторыка-грамадазнаўчых і па адным хімічным і інфарматыка-матэматычным.
Без уступных іспытаў у Ліцэй БДУ залічваюцца пераможцы заключнага этапу рэспубліканскай алімпіяды (уладальнікі дыпломаў I, II або III ступені) па фізіцы, матэматыцы, інфарматыцы, хіміі, біялогіі, гісторыі, грамадазнаўстве, рускай мове і літаратуры, беларускай мове і літаратуры і англійскай мове.
Для абітурыентаў Ліцэя БДУ з кастрычніка па май арганізуюцца рэпетыцыйныя экзамены, якія праходзяць на серверы дыстанцыйнага навучання.
Надзея НІКАЛАЕВА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
