Аператыўнікі ўстанавілі, што каля спартыўнага комплексу па вуліцы Сурганава 20-гадовы непрацуючы мінчанін прадаваў некурыльны тытунь насвай.
Пры сабе і ў яго аўтамабілі, прыпаркаваным у двары недалёка ад месца рэалізацыі, аператыўнікі выявілі і канфіскавалі каля 1,5 кілаграма такога тытуню. У машыне ў багажніку знаходзіўся пакет з тытунёвай сумессю, з якога ён расфасоўваў яе на больш дробныя дозы ў палімерныя пакеты, хаваў іх у кішэні адзення і каля спарткомплексу перадаваў пакупнікам.
У гэты ж дзень аператыўнікі таксама затрымалі ў парку па праспекце Незалежнасці непрацуючага 23-гадовага жыхара Пiнска. У сталіцу малады чалавек прыязджаў “падпрацаваць”. У яго знойдзена і канфіскавана каля паўкілаграма некурыльнага тытуню насвай. Схема рэалізацыі была такой жа, як у вышэйназванага прадаўца.
Ім пагражае пакаранне ў выглядзе адміністрацыйнага арышту. Па інфармацыі Фрунзенскага РУУС г. Мінска, абодва зламысніка раней прыцягваліся да адміністрацыйнай адказнасці за аналагічныя правапарушэнні.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.