Чаму дзіда ў іржы?

Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».

Ці ведалі вы, што:

дзіда (устар.) — старадаўняя колючая зброя;
іржа́ (адно са значэнняў) — чырвона-буры налёт на паверхні жалеза;
тапту́ха (абласн.) — адзін з відаў рыбалоўнай сеткі;
крысо́ — ніжняя частка якой-небудзь адзежыны;
крэ́йда — мяккі белы вапняк;
панца́к (абласн.) — суп з ячных круп.
З ланцуга сарваўшыся — вельмі хутка бегчы, ляцець, спяшацца. Беларускія адпаведнікі: ва ўсе лапаткі, колькі духу. Рускія: как на пожар, со всех ног.
Зарыць носам — упасці тварам уніз, паляцець ніцма. Беларусы яшчэ скажуць: заараць носам, з капытоў далоў. Рускія: с катушек долой, пропахать носом.