Міжнародны спадарожнікавы тэлеканал «Беларусь 24» запусціў фотапраект «Я сэрцам бачу». Яго ўдзельнікам — мастакам і фатографам — прапануюць падзяліцца сваім бачаннем адметных землякоў, родных краявідаў, культурнай спадчыны, свят і працоўных дзён.
Найлепшыя работы публікуюцца на афіцыйным сайце belarus24.by у раздзеле «Пра Беларусь», а таксама размяшчаюцца ў мастацкіх галерэях сталіцы. Ужо можна паглядзець у сеціве галерэю работ Ігара Бышнёва «Беларусь — некранутая прырода ў сэрцы Еўропы», якая змяшчае «партрэты» насельнікаў нашых лясоў, 3D-галерэю Станіслава Багдзевіча — экскурсію па запаведніках краіны, і падборку рэпартажнага фатографа Ільі Гелея «Людзі Беларусі».
На працягу Года малой радзімы пройдзе некалькі падобных выставак, а завершыцца праект вялікай экспазіцыяй у Нацыянальнай бібліятэцы Беларусі. Далучыцца да праекта можа кожны ахвотны.
Вікторыя ЗАХАРАВА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».