26 Верасень, серада

Вы тут

Што адбылося за тыдзень у Савеце Рэспублікі


Распачата падрыхтоўка да міжнароднай канферэнцыі з удзелам Савета Еўропы

25 красавіка адбылася сустрэча старшыні Савета Рэспублікі Нацыянальнага сходу Беларусі Міхаіла Мясніковіча з дырэктарам Кангрэса мясцовых і рэгіянальных улад Савета Еўропы Жанам-Філіпам Базулем.

На сустрэчы былі абмеркаваны пытанні арганізацыі і правядзення ў Мінску міжнароднай канферэнцыі па пытаннях мясцовага самакіравання з удзелам прадстаўнікоў кангрэса.

— Ваш візіт дазволіць узгадніць усе неабходныя працоўныя пытанні — па парадку дня, даце і месцы правядзення канферэнцыі. Гэта будзе пачатак нашай працы ў рамках падрыхтоўкі такога адказнага мерапрыемства са структурамі Савета Еўропы, — адзначыў Міхаіл Мясніковіч. Паводле яго слоў, па гэтай тэматыцы намецілася пазітыўная дынаміка ва ўзаемадзеянні Беларусі з Саветам Еўропы, Кангрэсам мясцовых і рэгіянальных улад. «Гэта абнадзейвае. Мы разлічваем на канструктыўны дыялог. Безумоўна, у нас шмат цікавых ідэй і прапаноў», — падкрэсліў ён.

Старшыня Савета Рэспублікі таксама звярнуў увагу на тое, што пытанні мясцовага самакіравання пастаянна знаходзяцца ў полі зроку верхняй палаты беларускага парламента.


У Савеце Рэспублікі адбыліся сустрэчы з кіраўнікамі дыпламатычных місій Грузіі і Эстоніі ў нашай краіне

З Надзвычайным і Паўнамоцным Паслом Грузіі Валерыем Кварацхелія спікер верхняй палаты парламента Міхаіл Мясніковіч абмеркаваў пытанні гандлёва-эканамічнага і міжпарламенцкага супрацоўніцтва, перспектывы рэалізацыі сумесных праектаў.

На думку Міхаіла Мясніковіча, парламентарыі Беларусі і Грузіі маглі б больш эфектыўна супрацоўнічаць перш за ўсё ў рамках груп дружбы. Беларусь таксама зацікаўлена развіваць партнёрства з Грузіяй у сферы адукацыі і навукі.

У сваю чаргу пасол Грузіі адзначыў высокую цікавасць дзелавых колаў Грузіі да супрацоўніцтва з Беларуссю. У ліку перспектыўных напрамкаў узаемадзеяння ён назваў ІT-сферу і ахову здароўя.

З Надзвычайным і Паўнамоцным Паслом Эстоніі ў Рэспубліцы Беларусь Мерыке Кокаеў сустрэўся старшыня Пастаяннай камісіі па міжнародных справах і нацыянальнай бяспецы Сяргей Рахманаў. На гэтай сустрэчы таксама былі абмеркаваны пытанні гандлёва-эканамічнага і міжпарламенцкага супрацоўніцтва.

У якасці магчымых сфер узаемадзеяння Сяргей Рахманаў назваў ІТ-тэхналогіі, вытворчасць святлодыёднай, лазернай, рэнтгенаўскай тэхнікі, фармацэўтыку, адукацыю. «Мы гатовыя разглядаць розныя варыянты супрацоўніцтва, у тым ліку і стварэнне сумесных вытворчасцяў, — адзначыў ён. — Напрыклад, разам мы маглі б стварыць нанатэхналагічны цэнтр. Гэта перспектыўны праект, да якога можна было б прыцягнуць і іншых удзельнікаў».


Сенатары праманіторылі фермы Брэстчыны

У сярэдзіне красавіка, у рамках выканання даручэння Старшыні Савета Рэспублікі Нацыянальнага сходу Беларусі, упаўнаважанага прадстаўніка кіраўніка дзяржавы па Брэсцкай вобласці Міхаіла Мясніковіча, членамі Савета Рэспублікі праведзены маніторынг эфектыўнасці малочнатаварных комплексаў Брэсцкай вобласці.

У склад камісіі, якая ажыццяўляла маніторынг, увайшлі сенатары Ігар Краўчанка, Вольга Леўчанка, Аляксандр Марчанка, Анатоль Шчасны і Аляксандр Шышко.

Члены Савета Рэспублікі наведалі кампаніі: «Кастрычнік-Агра» і «Баравіца» Іванаўскага, «Стытычаўскае» і «Парахонскае» Пінскага, «Роўбіцкае», «Жураўлінае» і «Айчына» Пружанскага раёнаў. Рэканструкцыя і мадэрнізацыя малочнатаварных фермаў (памяшканняў пад утрыманне маладняку) у гэтых гаспадарках у асноўным ажыццяўляецца за кошт уласных сродкаў.

Маніторынг выявіў устойлівы рост па большасці паказчыкаў, якія даследаваліся. Парламентарыі ўпэўніліся, што жывёлагадоўля ў рэгіёне развіваецца дынамічна.

Сенатары адзначылі, што ва ўсіх гаспадарках вядзецца мэтанакіраваная праца па вырошчванні рамонтнага маладняку малочнага напрамку, а гэта ў будучыні дазволіць павялічыць прадукцыйнасць малочнага статка.

Разам з тым у большасці гаспадарак жывёлы не былі адабраныя па прадукцыйнасці і жывой вазе. Заўважылі члены Савета Рэспублікі і недахопы ў некаторых гаспадарках пры загрузцы кармоў, у выніку якіх губляюцца пажыўныя рэчывы ў корме. Яшчэ адна заўвага датычылася павышанай вільготнасці кармавой сумесі, што сведчыць пра парушэнні тэрмінаў нарыхтоўкі кукурузнага сіласу.

Вольга МЯДЗВЕДЗЕВА

Загаловак у газеце: Самакіраванне як прадмет дыялогу

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Выхоўваць ці любіць? Шчырая размова з педагогам пра бацькоўскія страхі

Выхоўваць ці любіць? Шчырая размова з педагогам пра бацькоўскія страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.