Белстат паведаміў пра рост заработнай платы сёлета ў сакавіку на 9 % у адносінах да лютага. Такога рыўка не было каля 10 гадоў, адзначыў у сваім паведамленні фінансавы кансультант Міхаіл Грачоў. Эксперт упэўнены, што такімі тэмпамі да канца года мы можам атрымаць сярэднюю заработную плату ў 1200 рублёў. А ці не падарве гэта абяцанні Нацбанка ўтрымаць інфляцыю ў рамках 6 %?
Намеснік старшыні праўлення Нацыянальнага банка Дзмітрый Калечыц падчас канферэнцыі «Лічбавыя тэхналогіі» пацвердзіў гатоўнасць рэгулятара ўтрымаць інфляцыю па выніках года ў рамках 6 %. Па яго словах, для гэтага ёсць усе перадумовы.
Па-першае, працэнтная стаўка пакуль застаецца на дзейных значэннях (10,5 %) і наступнае пасяджэнне Нацбанка па гэтым пытанні адбудзецца сёлета толькі 20 чэрвеня. Далей, у панядзелак, 23 красавіка, было абвешчана аб падпісанні Пагаднення аб інфармацыйным узаемадзеянні паміж Нацбанкам і Міністэрствам антыманапольнага рэгулявання і гандлю. Гэтая дамоўленасць дае магчымасць сумеснага рэгулявання спажывецкага рынку, што дазволіць знізіць інфляцыйныя працэсы.
Але ёсць і праблемы. Рост заработнай платы ў адрыве ад росту прадукцыйнасці працы і прыбытковасці рэальнага сектара сапраўды стварае ціск на спажывецкі рынак, што мае патэнцыял разгону інфляцыі. Праўда, калі паглядзець на структуру росту заработнай платы ў сакавіку, то асноўны працэнт (41,4 %) унёс ІT-сектар. Там маецца сезонны фактар, калі ў лютым і сакавіку лічбавыя кампаніі выплачваюць супрацоўнікам гадавыя бонусы і прэміі. Таму ёсць падставы меркаваць, што ўжо ў красавіку мы ўбачым іншыя лічбы ў змене заробкаў.
Акрамя гэтага, з 1 мая ўступае ў сілу Інструкцыя Нацбанка ад 6 красавіка аб парадку крэдытавання, некаторыя нормы якой могуць астудзіць рост спажывецкага крэдытавання, якія назіраліся ў канцы 2017 — пачатку 2018 года. Сукупнасць гэтых фактараў дазволіць Нацбанку выканаць задачу па стрымліванні інфляцыі ва ўстаноўленых межах.
Сяргей КУРКАЧ
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.