Вы тут

Адказваем на пытанні чытачоў


Ці працягваецца работа па ўстаноўцы відэадэтэктараў на скрыжаваннях?

Вольга Анатолеўна, г. Мінск.

Адказвае старшы інспектар па асобых даручэннях УДАІ МУС Ганна БАНАДЫК.

Цяпер відэадэтэктары транспарту ўстаноўлены ў якасці эксперымента на скрыжаванні вуліц Казлова і Платонава ў Мінску. Таксама вядзецца работа па рэалізацыі праекта будаўніцтва падсістэмы відэакантролю аўтаматызаванай сістэмы кіравання дарожным рухам. У рамках гэтага праекта ўстаноўлены відэадэтэктары і іншае абсталяванне на светлафорных аб'ектах па праспекце Машэрава ў Мінску (ад вул. Казлова да вул. Ціміразева).

Мэта гэтага праекта — павысіць бяспеку дарожнага руху і павялічыць прапускную здольнасць праспекта Машэрава шляхам аптымізацыі работы святлафораў на падставе інфармацыі, атрыманай у рэальным часе ад дэтэктараў транспарту. Па меры развіцця гэтай сістэмы ў далейшым плануецца абсталяваць відэадэтэктарамі транспарту 90 скрыжаванняў на ўчастках першага і другога транспартных кольцаў Мінска (вул. Казлова, пр-т Пушкіна, вул. Арлоўская, вул. Аэрадромная, вул. Сурганава), а таксама на праспектах Незалежнасці, Дзяржынскага, Партызанскім, Ракасоўскага і інш.


Ці праўда, што ў Мінску збіраюцца пазбавіцца ад «ляжачых паліцэйскіх». Чым іх заменяць?

Канстанцін Р., г. Шчучын.

Штучныя няроўнасці — гэта тэхнічныя сродкі арганізацыі дарожнага руху, якія прымяняюцца для прымусовага зніжэння хуткасці транспартнага патоку і, як вынік, павышэння бяспекі дарожнага руху ў патэнцыйна небяспечных месцах.

Шматгадовая практыка прымянення такіх прылад паказала іх эфектыўнасць. З упэўненасцю можна сказаць, што дзякуючы ім захавана не адна сотня жыццяў.

У той жа час штучныя няроўнасці не пазбаўленыя недахопаў — гэта і часавыя страты, і павышэнне ўзроўню шуму і вібрацыі паблізу іх, павелічэнне колькасці шкодных выкідаў.

Апошнім часам у Беларусі ўсё шырэй выкарыстоўваюцца іншыя спосабы для запавольвання руху транспарту, такія як канструктыўна выдзеленыя астраўкі бяспекі, завужэнне праезнай часткі, памяншэнне шырыні палос руху, штучнае змяненне траекторыі руху транспартных сродкаў. На пешаходных пераходах альтэрнатывай штучным няроўнасцям з'яўляецца таксама святлафорнае рэгуляванне.

Рашэнне аб выбары таго ці іншага спосабу залежыць ад шматлікіх фактараў і з'яўляецца задачай праекціроўшчыкаў і спецыялістаў па арганізацыі дарожнага руху. Таму з часам у асобных месцах пры правядзенні рэканструкцыі або капітальнага рамонту штучныя няроўнасці могуць быць замененыя іншымі інжынернымі рашэннямі.

Дар'я КАСКО

Выбар рэдакцыі

Эканоміка

Асаблівы попыт будзе на кватэры-студыі і апартаменты еўрафармату

Асаблівы попыт будзе на кватэры-студыі і апартаменты еўрафармату

Пра тэндэнцыі на рынку нерухомасці расказваюць эксперты.

Грамадства

Памяць сэрца. Дзень вываду кантынгенту савецкіх войскаў з Афганістана

Памяць сэрца. Дзень вываду кантынгенту савецкіх войскаў з Афганістана

На мемарыяльным «Востраве слёз» пройдзе традыцыйны мітынг-рэквіем і сустрэча аднапалчан-афганцаў.

Грамадства

Ігар Задарожны: Марылі, што ў нас будзе двое дзяцей

Ігар Задарожны: Марылі, што ў нас будзе двое дзяцей

А цяпер трое сыноў пытаюцца, калі ў іх з'явіцца сястрычка.