Першае ў свеце буйное радовішча чыстага рубідыя выяўлена ў Кітаі

Буйное радовішча рубідыя выяўлена ў паўднёвакітайскай правінцыі Гуандун, перадае "Жэньмінь жыбаа" анлайн". 

Як пацвердзіла правінцыйная асацыяцыя горнай прамысловасці, радовішча рубідыя разведаныя запасам у 175 тысяч тон выяўлена ў горадзе Хэюань. Гэта першае ў свеце радовішча чыстай рубідыевай руды, заявіла Кітайская федэрацыя горнай прамысловасці. Да гэтага рубідый здабывалі разам са спадарожнымі мінераламі. 

Рубідый - гэта мяккі серабрыста-белы метал, выкарыстанне якога ў сферы новай энергетыкі мае вялікія перспектывы. У новым радовішчы таксама выяўленыя запасы больш чым дзесяці іншых мінералаў, уключаючы волава, вальфрам, свінец, цынк, медзь і золата.