Сёлетні Першамай у Брэсце адзначаны шматлікімі вернісажамі дзіцячай творчасці. Толькі ў крэпасці прымеркавалі да свята дзве выставы. У Мастацкім музеі адкрылі выставу школьнікаў «Ад Берасця да Брэста», прысвечаную 1000-годдзю горада, а ў Музеі абароны Брэсцкай крэпасці прадстаўлена выстава пленэрных работ юных мастакоў: «Дзеці малююць крэпасць».
Сам жа мемарыяльны комплекс «Брэсцкая крэпасць-герой» на любое свята не абыходзіцца без мерапрыемстваў патрыятычнага кірунку. Гэтым разам на плошчы Цырыманіялаў прайшла акцыя памяці ўдзельнікаў міжнароднага конкурсу-фестывалю «Да-
рогамі памяці, дарогамі міру — Парад мастацтваў».
У цэнтральным гарадскім парку тым часам праходзіла ўшаноўванне пераможцаў абласнога конкурсу прафесійнага майстэрства «Умельцы Брэстчыны». Затым адбыўся святочны канцэрт творчых калектываў устаноў культуры і адукацыі, прафсаюзных арганізацый і ўстаноў горада. У парку воінаў-інтэрнацыяналістаў канцэрт давалі пераможцы гарадскога конкурсу самадзейнасці. А вечарам у парку культуры і адпачынку іграў улюбёнец брэсцкай публікі — гарадскі духавы аркестр.
Святлана ЯСКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
