Вы тут

Візіт Аляксандра Лукашэнкі ў Жыткавіцкі раён. Галоўнае


Зрабіць Беларусь квітнеючым краем магчыма агульнымі намаганнямі і выканальніцкай дысцыплінай. Аб гэтым у мінулую суботу казаў Прэзідэнт Аляксандр Лукашэнка на нарадзе з кіраўнікамі Жыткавіцкага раённага выканаўчага камітэта і прадпрыемстваў раёна. Дарэчы, прычынай наведвання Жыткавіцкага раёна беларускі лідар назваў яго аддаленасць ад сталіцы і абласных цэнтраў, у сувязі з чым падобным мясцінам, як правіла, удзяляецца менш увагі.


Фота: БЕЛТА

Перамагчы праблемы, не разгубіць поспехі

Беларускі лідар адзначыў, што за мінулыя гады ў гэтай частцы краіны было шмат зроблена, аднак існуе шэраг сур'ёзных хібаў і забюракратызаванасць асобных пытанняў.

«Глядзіце, каб мы не страцілі тое, што маем. І ўсё гэта зараз залежыць ад нас. Мы можам зрабіць сваю краіну не проста на словах квітнеючай, а квітнеючым краем. Толькі трэба галаву на плячах трымаць, — сказаў Прэзідэнт. — Не будзе дысцыпліны, будзеце шукаць аб'ектыўныя прычыны, работы не атрымаецца.

Асобна кіраўнік дзяржавы звярнуў увагу на кадравае пытанне. «Думайце ўсюды. Шалёных грошай няма і не будзе. Я да таго, што не кажыце, што ў нас дурныя ці яшчэ нейкія людзі і ў нас не хапае кадраў. Усяго ў нас хапае», — дадаў ён.

Беларускі лідар акцэнтаваў увагу на тым, што патрабаванні да дысцыпліны на прадпрыемствах будуць значна больш жорсткія. Аляксандр Лукашэнка заклікаў не перашкаджаць кіраўнікам працаваць, а наадварот — падтрымліваць і абараняць.

Акрамя таго, закраналася тэма п'янства, якая ўяўляе сабой сур'ёзную праблему, уплывае на дарожную бяспеку і прыводзіць да вытворчага траўматызму, а таксама аспект крадзяжоў. Прэзідэнт запатрабаваў прыняць вельмі жорсткія меры па абодвух кірунках.

Мэты на будучыню

На нарадзе беларускі лідар паставіў задачу: да канца гэтай пяцігодкі знізіць інфляцыю да 3-4 % у год. «Сёлета 5-6 % мы павінны па краіне мець інфляцыю. У наступным годзе— 4-5 %. Мы павінны выйсці на 3-4 %. Не трэба 1,5 %, як у Еўропе або ў Амерыцы. Таму што інфляцыя — гэта таксама нечая заработная плата. І мы яшчэ не настолькі сёння намацалі рынкавым чынам тую цану, пры якой будзе рэнтабельнай тая ці іншая прадукцыя. Таму няхай будзе 3-4 % да канца пяцігодкі», — заявіў Аляксандр Лукашэнка.

Усяго было разгледжана мноства тэм: работа прадпрыемстваў раёна — як у сферы АПК, так і ў прамысловасці, пытанні жыллёвага будаўніцтва, замацавання кадраў, сітуацыя з узроўнем заработнай платы. З нагоды апошняга кіраўнік дзяржавы падкрэсліў, што неабходна больш актыўна працаваць, каб выйсці на ўзровень у адну тысячу беларускіх рублёў.

Перспектыўны кірунак гэтай мясцовасці — карысныя выкапні, а менавіта торф і сапрапель. Работа па засваенні гэтых радовішчаў і далейшым прасоўванні прадукцыі вядзецца.

Прэзідэнт гаварыў і аб пазыковай нагрузцы прадпрыемстваў: каб нават пры ўмове рэструктурызацыі тых ці іншых даўгоў забяспечваўся зварот пазыковых сродкаў і ў цэлым эфектыўная работа. Аляксандр Лукашэнка таксама падкрэсліў недапушчальнасць карупцыі, а яшчэ закрануў тэму прадпрымальніцтва, нагадаўшы аб прынятым пакеце дакументаў па лібералізацыі ўмоў для вядзення бізнесу.

Прыклад для Петрыкава

Пасля заканчэння нарады кіраўнік дзяржавы асабіста азнаёміўся з добраўпарадкаваннем Жыткавіч: прагуляўся па цэнтры горада, а таксама пагаварыў з мясцовымі жыхарамі. Прэзідэнт затрымаўся каля будынка сярэдняй школы і адзначыў вельмі добры вынік у частцы добраўпарадкавання будынка і дваровай тэрыторыі. Акрамя гэтага, ён наведаў райагра-
тэхсэрвіс, дзе яго праінфармавалі аб перспектывах развіцця прадпрыемства, стварэнні новых працоўных месцаў і мерах па павышэнні канкурэнтаздольнасці.

Дарэчы, парадак у Жыткавічах Аляксандр Лукашэнка прывёў у якасці прыкладу для Петрыкава — беларускі лідар даў даручэнне добраўпарадкаваць апошні за год. Гэта пытанне таксама абмяркоўвалася на нарадзе ў Жыткавіцкім райвыканкаме, дзе прысутнічаў і кіраўнік Петрыкаўскага райвыканкама.

Акрамя сацыяльна-эканамічнага развіцця Петрыкаўскага раёна ў цэлым, казалі і пра будаўніцтва Петрыкаўскага горна-абагачальнага камбіната, першую чаргу якога плануецца запусціць у снежні 2019 года, а ўжо да 2021 года ГАК павінен выйсці на праектную магутнасць. Кіраўнік дзяржавы падкрэсліў важнасць для раёна гэтага праекта, які стане трэцім падобным аб'ектам у краіне пасля Салігорска і Любані. Таксама ён даў даручэнне з нагоды развіцця жыллёвага будаўніцтва ў Петрыкаве: трэба будаваць жыллё, каб быў прыток людзей.

***

Прэзідэнт Беларусі Аляксандр Лукашэнка падпісаў указ аб зацвярджэнні Пагаднення аб супрацоўніцтве дзяржаў — членаў Арганізацыі Дагавора аб калектыўнай бяспецы ў галіне забеспячэння інфармацыйнай бяспекі.

Пагадненне было падпісана ў Мінску 30 лістапада 2017 года на саміце Арганізацыі. Яго мэта — развіццё ўзаемадзеяння бакоў у інтарэсах гарантавання інфармацыйнай бяспекі краін АДКБ. Дакумент садзейнічае дасягненню мэт і рашэнню задач, выкладзеных у Стратэгіі калектыўнай бяспекі АДКБ на перыяд да 2025 года.

Паводле БелТА

Загаловак у газеце: Зрабіць Беларусь квітнеючым краем

Выбар рэдакцыі

Культура

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Свята, якое ўжо традыцыйна ладзіцца ў першую нядзелю верасня, сёлета прымае Слонім.

Грамадства

Як працуюць сядзелкі

Як працуюць сядзелкі

Попыт на сядзелак ці медсясцёр, якія могуць даглядаць цяжка хворых людзей на даму, пастаянна расце.

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.