18 Верасень, аўторак

Вы тут

Аб'ёмы спажывецкага крэдытавання ўсталявалі чарговы рэкорд


Сума выдадзеных банкамі крэдытаў з пачатаку года (на 1 красавіка) склала 3 268,2 мільёна рублёў. Пра гэта гаворыцца ў дакладзе начальніка галоўнага ўпраўлення манетарнай палітыкі і эканамічнага аналізу Нацыянальнага банка Дзмітрыя Мурына, зробленым на пашыраным пасяджэнні праўлення Нацбанка.


Агульная сума крэдытаў, якія банкі выдалі фізічным асобам, цяпер складае 9 516,0 мільёна рублёў. Гаворка ідзе аб спажывецкіх крэдытах, крэдытах на аўто і нерухомасць, картах растэрміноўкі і іншых. За сакавік даўгі беларусаў павялічыліся на 188,2 мільёна рублёў. Прыкладна палову крэдытных грошай у сакавіку банкі выдалі на фінансаванне нерухомасці, а другую палову – на спажывецкія патрэбы. Дарэчы, аб'ёмы крэдытавання нерухомасці з пачатку года хай і невялікімі тэмпамі, але растуць. Напрыклад, у студзені іх аформілі амаль на 60 мільёнаў рублёў, у лютым – на 71,5, а ў сакавіку – амаль на 95 млн рублёў.

Калі ж паглядзець статыстыку за год (з красавіка 2017 года да красавіка 2018), то бачна, што сума крэдытаў, узятых грамадзянамі на рашэнне кватэрнага пытання, павялічылася на 777,5 мільёна рублёў. А вось крэдыты “на куплю” выраслі на 1 457,5 мільёна рублёў.

Нагадаем, менавіта ў красавіку мінулага года пачаўся актыўны рост аб'ёмаў спажывецкага крэдытавання. У выніку занадта заўзятае жаданне беларусаў вырашаць свае пытанні з дапамогай даўгоў выклікала занепакоенасць у крэдытораў Беларусі. Еўразійскі фонд стабілізацыі і развіцця прапанаваў уладам астудзіць попыт на крэдыты, паколькі яны ў сваю чаргу стымулююць попыт на імпарт, што цісне на курс рубля. Затым сваю пазіцыю выказаў і Нацбанк. У выніку з 1 мая крэдыты ў Беларусі выдаюць па новых правілах. Так, для тых, хто прыйшоў у банк за спажывецкім крэдытам, цяпер будуць разлічваць паказчык пазыковай нагрузкі (ППН). Плацяжы па крэдытах не павінны перавышаць 40% ад сярэднямесячнага даходу. Калі ж гаворка ідзе аб выдзяленні крэдыту на нерухомасць, то тут банкі будуць разлічваць яшчэ і паказчык забяспечанасці крэдыту (КЗК). Відавочна, што далёка не ўсе адразу будуць мець дапушчальныя гэтыя паказчыкі.

Сяргей КУРКАЧ

Дадаць каментар

Выбар рэдакцыі

Спорт

Вячаслаў Грэцкі: Часам называюць мяне Уэйнам

Вячаслаў Грэцкі: Часам называюць мяне Уэйнам

Пра знакамітае прозвішча і сучаснасць беларускага хакея.

Эканоміка

Ці можна кіраваць попытам спажыўцоў?

Ці можна кіраваць попытам спажыўцоў?

Ад спантаннай пакупкі са «зніжкай па-беларуску» можна не толькі не атрымаць якой-небудзь эканоміі, але і пераплаціць за яе.

Культура

У Мінск прыедуць «Іліяда» на папірусе і найстаражытнейшыя фрагменты Бібліі

У Мінск прыедуць «Іліяда» на папірусе і найстаражытнейшыя фрагменты Бібліі

Выстаўка адкрываецца ў Нацыянальнай бібліятэцы Беларусі.

Грамадства

Андрус Пулакас: У Беларусі шукаю не адрозненні, а супадзенні

Андрус Пулакас: У Беларусі шукаю не адрозненні, а супадзенні

З Літвой у нас агульнае гістарычнае мінулае, і зараз яна – наша бліжэйшая суседка ў Еўрасаюзе.