Вы тут

Як дрэсіраваць паляўнічага сабаку?


З'яўляюся паляўнічым, хоць папраўдзе ва ўгоддзі да нядаўняга часу выбіраўся не так часта, як хацелася б. Але з выхадам на пенсію вольнага часу стала больш. Спадзяюся, на любімы з маладосці занятак ён таксама знойдзецца. Нават пачаў задумвацца: а ці не завесці мне нарэшце сабаку? Праўда, знаёмыя паляўнічыя пужаюць, што з яго дрэсіроўкай будзе шмат марокі... 

Іосіф ГРЫНКЕВІЧ, г. Мінск


Як расказалі нам спецыялісты Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь, спецыяльную дрэсіроўку паляўнічых сабак дазволена праводзіць толькі ў адведзеных для гэтага месцах. Іх нагонка, муштроўка, прывучванне немагчымыя па-за ўгоддзямі, паколькі толькі знаходжанне ва ўмовах дзікай прыроды дазваляе сабаку ў поўнай меры праявіць яго прыроджаны і замацаваны векавым адборам паляўнічы інстынкт.

Згодна з Правіламі вядзення паляўнічай гаспадаркі і палявання, для трэніроўкі і палявання дазваляецца выкарыстоўваць толькі паляўнічых сабак, зарэгістраваных Беларускім таварыствам паляўнічых і рыбаловаў.

У зонах трэніроўкі, выдзеленых у паляўнічых гаспадарках, паляўнічым дазваляецца трэніраваць сваіх сабак у светлы час сутак без зброі, пры гэтым не абавязкова валодаць правам на здабычу паляўнічых жывёл.

Трэніраваць паляўнічых сабак можна і ў іншых спецыяльна адведзеных для гэтага месцах: аблвыканкамы маюць права прымаць рашэнні аб выдзяленні такіх участкаў у межах забароненых для палявання зон, за выключэннем зон масавага адпачынку.

Паляўнічы павінен ведаць, што, калі ў працэсе трэніроўкі яго сабака здабыў (умярцвіў альбо нанёс траўмы, не сумяшчальныя з жыццём) паляўнічую жывёлу нармаваных відаў або чырванакніжную жывёлу, неабходна паведаміць пра інцыдэнт службовай асобе карыстальніка паляўнічых угоддзяў, не перамяшчаючы і не разбіраючы здабытую жывёлу.

Сяргей РАСОЛЬКА

Загаловак у газеце: Нюансы паляўнічай дрэсіроўкі

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.