На Брэстчыне адзначаны масавы вылет мошак. Кузуркі-крывасмокі найбольш развяліся ў ваколіцах Заходняга Буга, але і паблізу іншых рэк іх нямала. Гэта заўважылі дачнікі і адпачывальнікі ўжо ў мінулыя выхадныя. Пад вечар дробная машкара літаральна атакуе людзей і хатніх жывёлін.
Спецыялісты гавораць, што гэта першы масавы вылет мошак, які будзе доўжыцца каля двух тыдняў, а праз некаторы час будзе і другі. Апошняму спрыяе надзвычай цёплае надвор'е. Кузуркі адкладваюць лічынкі і выводзяцца менавіта паблізу рэк, але дарослыя асобіны здольныя далятаць на адлегласць да 10 кіламетраў.
Энтамолаг Брэсцкага абласнога цэнтра гігіены, эпідэміялогіі і грамадскага здароўя Ларыса ЯРАЦ папярэджвае, што найлепшым спосабам абараніцца ад укусаў мошак з'яўляецца прафілактыка. Можна карыстацца рэпелентамі, якія прадаюцца ў аптэцы, альбо узяць адэкалон, дадаць некалькі кропель валяр'янкі і нацерці адкрытыя ўчасткі скуры, падыдзе таксама раствор крысталічнага ваніліну. Не лішнім будзе і в'етнамскі бальзам «Залатая зорка», асабліва калі мошкі ўжо пакусалі і скура свярбіць ці нават баліць. Дарэчы, летась у рэгіёне пасля ўкусаў мошак па медыцынскую дапамогу звярнуліся 42 чалавекі. Таму варта не ігнараваць меры прафілактыкі, па магчымасці абараніць сябе і дзяцей ад назойлівай машкары.
Святлана ЯСКЕВІЧ
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.