«Залатая Ліцера» — у звяздоўскіх эколагаў!

Учора ў фармаце выставы «СМІ ў Беларусі» традыцыйна былі падведзены вынікі конкурсу друкаваных СМІ «Залатая Ліцера».

І сёлета звяздоўцы не засталіся без узнагарод. Пераможцам у намінацыі «Найлепшы сумесны праект з дзяржаўнымі органамі і арганізацыямі» стаў праект «Звязды» і Міністэрства прыродных рэсурсаў і аховы навакольнага асяроддзя «Карані і кроны». Уласны карэспандэнт «Звязды» па Магілёўскай вобласці, аўтар праекта «Глуша Адамовіча», Нэлі Зігуля стала лаўрэатам у намінацыі «Найлепшыя матэрыялы гісторыка-культурнай тэматыкі». А газета «Літаратура і мастацтва», што выходзіць у Выдавецкім доме «Звязда», узяла статуэтку пераможцы ў намінацыі «Найлепшыя матэрыялы культурнай тэматыкі».