Вы тут

Якасны корм — смачнае малако


У Віцебскай вобласці запланавалі падчас першага ўкосу нарыхтаваць не менш за 670 тысяч тон травяных кармоў. А ўсяго — каля 1,2 мільёна тон.


Як адзначыў старшыня камітэта па сельскай гаспадарцы і харчаванні аблвыканкама Іван Фёдараў, агульная плошча травянога поля на поўначы краіны перавышае 650 тысяч га. Акрамя іншага, трэба пасеяць больш за 60 тысяч гектараў кукурузы на сілас і прыблізна 34,5 тысячы гектараў аднагадовых культур.

Старшыня Віцебскага аблвыканкама Мікалай Шарснёў на пасяджэнні, дзе ў ліку іншага абмяркоўвалася пытанне нарыхтоўкі кармоў, патрабаваў вырашаць своечасова ўсе пытанні. У прыватнасці, займацца падкормкай, араць землі, дзе так званыя непрадукцыйныя травы, забяспечыць падрыхтоўку тэхнікі. Падчас нарыхтоўкі кармоў у палях будуць выкарыстоўвацца каля 640 кормаўборачных камбайнаў, прыблізна 1,3 тысячы трактарных касілак, больш за 650 прэс-падборшчыкаў і гэтак далей.

Каб, не зацягваючы, правесці якасную ўборку, механізатары будуць працаваць у дзве змены. А трамбоўка будзе весціся кругласутачна. У раёнах, дзе не хапае неабходнай тэхнікі, будуць працаваць спецыяльна створаныя міжгаспадарчыя корманарыхтоўчыя атрады.

Таксама вырашана стварыць мабільныя атрады і звенні, каб аператыўна рамантаваць тэхніку ў полі. У «падраздзяленнях» будуць працаваць найлепшыя спецыялісты, у якіх будзе транспарт і мабільная сувязь.

Старшыня Палаты прадстаўнікоў Нацыянальнага сходу, упаўнаважаны прадстаўнік Прэзідэнта ў Віцебскай вобласці Уладзімір Андрэйчанка, які прысутнічаў на пасяджэнні, заклікаў кіраўнікоў райвыканкамаў больш актыўна дапамагаць гаспадаркам набываць угнаенні, камбінаваныя прэс-падборшчыкі з адначасовай абмоткай кармоў сеткай і плёнкай. Спікер парламента нагадаў пра даручэнне кіраўніка дзяржавы ўзводзіць сучасныя збудаванні для захоўвання кармоў. На сёння ў лідарах Глыбоцкі раён.

Спецыялісты падлічылі, што ўборку траў першага ўкосу можна правесці на працягу прыкладна двух тыдняў.

Аляксандр ПУКШАНСКІ

Выбар рэдакцыі

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне. 

Грамадства

Чаму карты на беларускай мове — гэта стапрацэнтны эксклюзіў?

Чаму карты на беларускай мове — гэта стапрацэнтны эксклюзіў?

Першай грунтоўнай работай айчынных картографаў па-беларуску стаў Нацыянальны атлас, выпушчаны ў 2002 годзе.

Культура

Што агульнага паміж творчасцю і «табурэткай»?

Што агульнага паміж творчасцю і «табурэткай»?

Дзе можна асвоіць літаратурнае майстэрства? Як становяцца пісьменнікамі?

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.