Фестываль паветраных змеяў пад назвай «Майскае неба Перамогі» пройдзе 5 мая ў Брэсце. На пляцоўцы ў раёне тэхнічнага ўніверсітэта збяруцца больш за сто школьнікаў і навучэнцаў устаноў дадатковай адукацыі. Яны запусцяць у неба паветраных змеяў у гонар Вялікай Перамогі.
Гэта не першы фестываль паветраных змеяў у Брэсце. Але на гэты раз ён абяцае стаць найбольш масавым. Арганізатары, якімі выступілі аддзел адукацыі, спорту і турызму Брэсцкага гарвыканкама, цэнтр дадатковай адукацыі дзяцей і моладзі, абласное ўпраўленне МНС, аб'явілі мерапрыемства адкрытым. Да ўдзелу запрашаюцца ўсе ахвотныя. На фэст можа прыйсці любы школьнік з бацькамі альбо таварышамі і зрабіць свайго змея на майстар-класе, які правядуць вопытныя педагогі. Для ўдзелу патрэбна толькі жаданне, матэрыяламі забяспечаць арганізатары.
Таксама запланаваны паказальныя выступленні ратавальнікаў.
Святлана ЯСКЕВІЧ
Мерапрыемства праводзіцца на добраахвотнай аснове.
Не выявіць ні секунды абыякавасці.
