Вы тут

Парк цягнікоў метро абновяць на 20 млн рублёў


На набыццё электрацягнікоў для сталічнага метро накіруюць рэшткі сродкаў інавацыйнага фонду Мінгарвыканкама ў памеры больш за 20 млн рублёў.


Адпаведнае рашэнне Мінскага гарадскога Савета дэпутатаў апублікавана на Нацыянальным прававым інтэрнэт-партале.

Сталічныя дэпутаты таксама вызначылі даходы і выдаткі інавацыйнага фонду Мінгарвыканкама на 2018 год, якія складуць звыш BYN107,3 млн і BYN41 млн адпаведна. У планах пералічыць больш за BYN66,3 млн рублёў у рэспубліканскі цэнтралізаваны інавацыйны фонд. Тыя сродкі, што засталіся ў фондзе на пачатак года, а гэта больш за 20 мільёнаў рублёў, перададуць у Мінскі метрапалітэн для абнаўлення парка электрацягнікоў.

Акрамя таго, рашэннем выдзяляюцца дадатковыя сродкі з бюджэту горада на падрыхтоўку да ІІ Еўрапейскіх гульняў. Пэўную суму атрымае і прадпрыемства «Гаррамаўтадар Мінгарвыканкама» на работы па рамонце вулічна-дарожнай сеткі, прадпрыемствы жыллёва-камунальнай гаспадаркі для прывядзення ў парадак будынкаў, якія прылягаюць да спартыўных аб'ектаў. У «Мінгарсвятло» накіруюць сродкі для стварэння новых элементаў святочнага асвятлення і ўстаноўкі асвятляльнага абсталявання.

Ілья КРЫЖЭВІЧ

Выбар рэдакцыі

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.