Вы тут

З імпэтам сеў у галош


Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».


Ці ведалі вы, што:

  • андара́к — саматканая паласатая або ў клетку спадніца. Карані слова хаваюцца ў нямецкай мове;
  • енк — працяглы жалобны стогн. Дзеяслоў енчыць, напэўна, больш знаёмы, чым назоўнік енк;
  • імпэ́т — парывістасць, імклівасць. «Зірні на ручайкі — з якім імпэтам Яны свідруюць снег, туманам сточаны!», — чытаем у Ніла Гілевіча;
  • калаўро́т — прыстасаванне для ручнога прадзення кудзелі. У левым куце на лаве стаіць прасніца з кудзеляй, пры ёй на падлозе — калаўрот;
  • цвінта́р — царкоўны двор ці агароджанае месца пры царкве. Слова прыйшло з польскай мовы;
  • капту́р — галаўны ўбор, які завязваецца пад падбародкам;
  • сесці ў галош — пацярпець няўдачу, апынуцца ў няёмкім, смешным становішчы. Беларускія адпаведнікі: сесці макам, пашыцца ў дурні. Рускі: сесть в лужу;
  • сем патоў сагнаць — вельмі стаміцца, знясіліцца. Беларусы яшчэ скажуць: ліць пот, не разгінаць спіны. Рускія: проливать пот, тянуть ярмо.

Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.

Ірына АСТАШКЕВІЧ

Выбар рэдакцыі

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.