Вы тут

Першы беларуска-японскі эканамічны форум праходзіць у Японіі


Ён праводзіцца з 9 па 11 мая ў Токіа і Осака. У мерапрыемстве ўдзельнічаюць больш за 200 бізнесменаў з дзвюх краін. На форуме праходзяць двухбаковыя сустрэчы на міністэрскім і рэгіянальным узроўнях, панэльныя дыскусіі, кантактна-кааперацыйныя біржы.


Беларуская дэлегацыя наведвае вядучыя японскія кампаніі і бізнес-асацыяцыі. На форуме таксама арганізавана міні-выстаўка беларускіх тавараў. Удзельнікі мерапрыемства могуць азнаёміцца з экспазіцыяй кніг пра Беларусь, а таксама наведаць канцэрт беларускай дыяспары ў Японіі.

Як расказаў БЕЛТА Надзвычайны і Паўнамоцны Пасол Беларусі ў Японіі Руслан Есін, сярод беларускіх удзельнікаў форуму ёсць прадстаўнікі прадпрыемстваў цяжкай і лёгкай прамысловасці, вытворцы фармацэўтычнай прадукцыі, мяса-малочнай і кандытарскай галін. Частка гэтых беларускіх кампаній ужо паспяхова супрацоўнічае з японскімі партнёрамі, але некаторыя прадпрыемствы робяць свае першыя крокі па выбудоўванні адносін. Пасол таксама адзначыў, што, нягледзячы на тое, што аб заключэнні кантрактаў пакуль гаварыць рана, японскі рынак для беларускіх прадпрыемстваў з'яўляецца перспектыўным. Паводле яго слоў, у працэсе прасоўвання беларускіх тавараў у Японію мясцовыя спажыўцы прынялі іх пазітыўна. У тым ліку размова ідзе і аб харчовай прадукцыі: сырах, алкаголі, кандытарскіх вырабах, шакаладзе.

Загаловак у газеце: Японскія перспектывы

Выбар рэдакцыі

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».

Грамадства

Зваршчык з Мсціслава стварае ўнікальныя жалезныя скульптуры

Зваршчык з Мсціслава стварае ўнікальныя жалезныя скульптуры

Аляксандра Папова ў Мсціславе ведаюць усе.

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.