Мінчанін атрымаў апёкі ад полымя электрычнай дугі.
Па інфармацыі Мінскага аддзела ўнутраных спраў на транспарце, малады чалавек 1996 года нараджэння адпачываў з сябрамі на лецішчы, размешчаным паблізу станцыі. Баўленне часу не абышлося без ужывання алкаголю. Бліжэй да вечара пацярпелы выйшаў на вуліцу і заўважыў грузавы цягнік, які стаяў. Ён беспрычынна залез на адзін з вагонаў і падняў угору руку. Ад полымя электрычнай дугі хлопец атрымаў апёкі і быў скінуты з вагона на зямлю. Брыгада хуткай медыцынскай дапамогі даставіла маладога чалавека ў бальніцу з камбінаванай траўмай (электратраўма чацвёртай ступені цяжкасці, паражэнне высакавольтнай электрычнасцю, электратэрмічныя апёкі галавы, шыі, тулава, рук і ног). Пацярпелы знаходзіцца ў апёкавым аддзяленні бальніцы хуткай медыцынскай дапамогі.
Сяргей РАСОЛЬКА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
