Вы тут

«Еўрабачанне-2018» выйграла спявачка з Ізраіля


У ноч з 12 на 13 мая ў сталіцы Партугаліі Лісабоне вызначыўся пераможца 63-га міжнароднага конкурсу песні "Еўрабачанне". Лідарам па суме галасоў ад тэлегледачоў і нацыянальных журы 43 краін—удзельніц шоу стала прадстаўніца Ізраіля Нета Барзілай, чыя песня "Toy" набрала выніковыя 529 балаў. Нагадаем, менавіта ізраільцянка першапачаткова была фаварытам у букмекераў. Канкурсантка ад Кіпра Элені Фурэйра заняла другую прыступку з 436 баламі.


Свае музычныя перавагі выказала і Беларусь. Балы ад нашай краіны агучвалі ўдзельнікі конкурсу 2017 года, дуэт "Naviband". Паводле галасавання прафесійнага журы, 12 беларускіх балаў атрымаў Кіпр, 10 – Аўстрыя і 8 – Нарвегія. Расійска журы чакана аддало 10 балаў Малдове, чый гурт прадзюсіраваў сёлета Філіп Кіркорпаў. Наогул пасля галасавання ўсіх нацыянальных журы ў тройку лідараў уваходзілі Аўстрыя, Швецыя і Ізраіль, аднак глядацкае галасаванне, як бачым, унесла істотныя карэктывы ў гэты спіс.

Падчас фінальнага канцэрту, дарэчы, здарыўся казус – спявачцы з Вялікабрытаніі SuRіе перашкодзіў выступаць фанат, які выскачыш на сцэну і забраў у артысткі мікрафон. Парушальніка, зрэшты, практычна адразу ўвяла ахова. Брытанская дэлегацыя павяла сябе высакародна і адмовілася ад прапановы арганізатараў выступіць яшчэ раз, адзначыўшы, што ганарыцца выступленнем сваёй спявачкі.

На шоу упершыню пасля доўгага перапынку, звязанага з аперацыяй па перасадцы сэрца, выступіў леташні яго трыумфатар, партугалец Сальвадор Сабрал са сваім пераможным хітом "Amar pelos dois" ("Любіць за дваіх") і прэм’ерай новай песні.

Акрамя крышталёвага мікрафона, які па традыцыі ўручаецца пераможцу "Еўрабачання", у 17-ы раз былі ўручаны так званыя дадатковыя ўзнагароды імя заснавальніка шоу Марселя Безенсона. Так, па меркаванні праесійных кампазітараў, самай арыгінальнай і поўнай нацыянальнай ідэнтычнасці песняй гэтага года стала песня Балгарыі Bones ("Косці"). 60 еўрапейскіх журналістаў, пісьменнікаў і перакладчыкаў, рэдактараў і аўтараў песень назвалі найлепшай метафарай радок "Я – ўсе дзеці, якія былі ўзятыя ў мора, я буду жыць сто тысяч гадоў" з французскай песні "Mercy" (заўважым, гэта не падзяка, а імя дзяўчынкі, якая нарадзілася і цудам выжыла на лодцы нелегальных мігрантаў сярод Міжземнага мора). Нарэшце, прыз за найбольш яркае ў артыстычным сэнсе выступенне атрымала ад акрэдытаваных на шоу каментатараў прадстаўніца Кіпра.

Вікторыя ЦЕЛЯШУК

Выбар рэдакцыі

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры у творчую майстэрню?

Як ператварыць звычайны ўрок беларускай літаратуры у творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.