Вы тут

У Сычуані знойдзены гіганцкі камар


Размах яго крылаў - звыш 11 сантыметраў!


Кітайскія энтамолагі выявілі гіганцкага камара, размах крылаў якога дасягае 11,15 см, перадае "Жэньмінь жыбаа" анлайн".

Па словах куратара Музея насякомых Заходняга Кітая Чжаа Лі, казурка, якая належыць да віду камароў Holorusia mikado, яны лічацца найбуйнейшымі ў свеце, была знойдзена ў жніўні мінулага года падчас экскурсіі ў гарах Цінчэн у Чэнду, адміністрацыйным цэнтры правінцыі Сычуань на паўднёвым захадзе Кітая. Камары Holorusia mikado былі ўпершыню выяўленыя ў Японіі брытанскім энтамолагам Джонам Вествудам, які і ўвёў у выкарыстанне гэтую назву. 

Размах крылаў гэтых насякомых звычайна складае каля 8 см. "Гэтыя камары выглядаюць жахліва, але не з'яўляюцца крывасмактальнымі. Дарослыя казуркі жывуць усяго некалькі дзён і, галоўным чынам, сілкуюцца кветкавым нектарам", - распавёў Чжаа Лі. Вучоны адзначыў, што сярод дзясяткаў тысяч відаў камароў, якія існуюць у прыродзе, толькі каля сотні відаў сілкуюцца крывёй і могуць уяўляць праблему для чалавека. 

У заходніх частках правінцыі Сычуань камары Holorusia mikado, вядомыя таксама як доўганожкі, сустракаюцца ў асноўным у раёне Чэндускай раўніны і ў гарах вышынёй не больш за 2200 м. "Яны дрэнна лятаюць з-за буйнога цела., хутчэй, скачуць. Звычайна гэтыя камары насяляюць раёны, багатыя расліннасцю", - сказаў Чжаа Лі. 

Музей, нягледзячы на ​​тое што ён прыватны, з'яўляецца музеем дзяржаўнага ўзроўню. У ім прадстаўлена больш за 700 тыс. экспанатаў, звыш 70 з якіх з'яўляюцца найбольш буйнымі прадстаўнікамі свайго віду.

Выбар рэдакцыі

Спорт

Беларус Данііл Крывіцкі ў 15 гадоў гуляе ў футбол у іспанскім клубе

Беларус Данііл Крывіцкі ў 15 гадоў гуляе ў футбол у іспанскім клубе

 З перспектыўным футбалістам мы звязаліся, каб даведацца пра яго далейшыя планы, трэніроўкі ў «Інтэры» і жыццё ў Іспаніі.

Грамадства

Чаму лесапілка стала прадметам спрэчак сярод вяскоўцаў

Чаму лесапілка стала прадметам спрэчак сярод вяскоўцаў

Каб высветліць маштаб праблемы, журналіст «Звязды» накіравалася ў вёску Струпень.

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM?