Вы тут

Сёння пачынае работу фотапраект «Я сэрцам бачу»


Сёння ў Нацыянальнай бібліятэцы Беларусі пачынаюць сваю работу фотапраект «Я сэрцам бачу» і інфармацыйна-дакументальная выстаўка «Тутэйшыя». Новыя экспазіцыі працягваюць выставачны праект Нацыянальнай бібліятэкі «Малая радзіма — аповесць часоў», прымеркаваны да Года малой радзімы.


У галерэі «Атрыум», што на 3-м паверсе бібліятэкі, сваім асаблівым бачаннем нашай краіны падзеляцца фатографы, аб'яднаныя праектам тэлеканала «Беларусь 24» «Я сэрцам бачу». Да ўвагі — самыя яркія фотаздымкі, прысвечаныя нашай краіне: прыгожыя пейзажы, дзікія жывёлы, культурныя славутасці і важныя падзеі.

Здзейсніць шпацыр па гарадах Беларусі запрашае панарамны фатограф, стваральнік віртуальных тураў Станіслаў Багдзевіч, паназіраць за дзікай прыродай і атрымаць асалоду ад выдатных пейзажаў родных мясцін прапануюць фотамастакі Ігар Бышнёў, Сяргей Плыткевіч, Максім Мекшын і Сяргей Тарасаў. Рэпартажны фатограф Ілья Гелей падзяліўся фотаздымкамі беларусаў розных прафесій і ўзростаў, з розным адчуваннем жыцця і поглядамі. Фатаграфіі Мікіты Церахава паказваюць архітэктуру з незвычайнага ракурсу, адлюстроўваюць хараство гарадскога асяроддзя. А «мабільны» Аляксандр Меклер сваімі работамі даказвае, што для добрага фота не патрэбна дарагая тэхніка — хопіць звычайнага тэлефона, бо фатаграфія — гэта не тэхніка, на якую мы яе робім, фатаграфія — гэта мы самі.

У кальцавым калідоры 3-га паверха адкрыецца інфармацыйна-дакументальная выстаўка з фондаў бібліятэкі — «Тутэйшыя». Больш за 300 тэматычных выданняў расказваюць пра славутыя імёны асветнікаў, дыпламатаў, палкаводцаў, касманаўтаў, вынаходнікаў, дзеячаў культуры, спартсменаў, якія нарадзіліся ў Беларусі, а таксама вылучыліся сваімі талентам і здольнасцямі за яе межамі. Выстаўка мае шэсць раздзелаў, кожны з якіх прадстаўляе пэўны абласны горад і вобласць у цэлым, і будзе доўжыцца да 31 снежня.

Пазнаёміцца з фотавыстаўкай «Я сэрцам бачу» можна да 1 ліпеня 2018 года.

Загаловак у газеце: Бачыць сэрцам

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.