Вы тут

Чым здзівіць Х Міжнародны фестываль тэатраў лялек?


Х Міжнародны фестываль тэатраў лялек запрашае гледачоў наведаць цікавыя пастаноўкі ўжо зусім хутка — з 18 да 21 мая! Арганізатарамі гэтай дзеі з'яўляюцца Міністэрства культуры Беларусі, Мінскі гарадскі выканаўчы камітэт і Беларускі дзяржаўны тэатр лялек.


Маштабны форум, які праходзіць раз у два гады, адкрые свае дзверы ўсім, хто шануе сапраўднае тэатральнае мастацтва і не баіцца эксперыментаў. За 4 дні мінчане і госці сталіцы ўбачаць 14 спектакляў з 7 краін свету. Упершыню на фестывалі будуць прадстаўлены калектывы з Ірана, Балгарыі, Іспаніі. Падзяліцца сваёй творчасцю прыедуць найлепшыя тэатральныя кампаніі Францыі, Ізраіля, Расіі і ўсе дзяржаўныя тэатры лялек Беларусі. Нагадаем, што за папярэднія фестывалі Мінск наведала больш за 60 тэатраў з розных куткоў свету!

Юбілейны фестываль абяцае здзівіць не толькі шырынёй геаграфіі краін-удзельніц, але і ўзроставай скіраванасцю спектакляў: большасць пастановак адрасаваныя дарослай аўдыторыі. Традыцыйна арганізатары фестывалю фарміруюць праграму так, каб у гледачоў была магчымасць убачыць не толькі новыя і ўжо высока адзначаныя спецыялістамі спектаклі, але і ў поўнай меры адчуць усю жанравую разнастайнасць сучаснага тэатра лялек. Прадстаўленыя спектаклі сёлетняй праграмы — гэта смелае спалучэнне харэаграфіі, пантамімы і класічных формаў тэатра.

Асабліва яркай абяцае быць беларуская праграма форуму. Айчынныя калектывы прывязуць самыя свежыя работы, створаныя на мяжы традыцый і эксперымента. Дзіцячая праграма фестывалю будзе прадстаўлена кранальнымі пастаноўкамі з Ізраіля («кравец», Thе Trаіn Thеаtеr) і Віцебска («Умка», Беларускі тэатр «Лялька»).

Традыцыйна падчас фэсту будуць праводзіцца майстар-класы і дыскусіі з гледачамі і крытыкамі. Таксама ўсіх чакае ўнікальны вечар тэатральнай музыкі ад гурта «Нагуаль». Музыкі рыхтуюць абноўленую праграму з кампазіцый, напісаных спецыяльна для тэатраў лялек.

Спектаклі форуму пройдуць на пяці пляцоўках горада — Беларускага дзяржаўнага тэатра лялек, Новага драматычнага тэатра, Рэспубліканскага тэатра беларускай драматургіі, а таксама на Малой сцэне Беларускага дзяржаўнага маладзёжнага тэатра і Камернай сцэне Нацыянальнага акадэмічнага тэатра імя Янкі Купалы.

Ніна ШЧАРБАЧЭВІЧ

Загаловак у газеце: Лялькі, цікавыя і дарослым

Дадаць каментар

Выбар рэдакцыі

Грамадства

Што адбываецца ў Юравічах?

Што адбываецца ў Юравічах?

Пасля трагедыі людзі размаўляюць з журналістамі на ўмовах ананімнасці

Грамадства

На чым Ветка трымаецца

На чым Ветка трымаецца

Формула поспеху мясцовага музея простая: шануй сваё, тым і будзеш цікавы.

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...