Вы тут

Як рэалізуюцца двухбаковыя пагадненні паміж Беларуссю і Грузіяй


Як рэалізуюцца двухбаковыя пагадненні, абмеркавалі ўчора старшыня Палаты прадстаўнікоў Нацыянальнага сходу Беларусі Уладзімір АНДРЭЙЧАНКА і Надзвычайны і Паўнамоцны Пасол Грузіі ў Беларусі Валерый КВАРАЦХЕЛІЯ. Новы пасол працуе ў нашай краіне з леташняга снежня.


Уладзімір Андрэйчанка адзначыў, што Беларусь зацікаўлена развіваць супрацоўніцтва з Грузіяй і нагадаў пра візіт кіраўніка беларускай дзяржавы Аляксандра Лукашэнкі, які адбыўся ў сакавіку і ў ходзе якога было падпісана 38 дакументаў. «Ёсць канкрэтныя дамоўленасці па рэалізацыі шэрагу праектаў. Гэта і зборка ліфтаў, і зборка трактароў малой магутнасці. У цэлым у нас парламенцкія адносіны больш актыўна пачалі развівацца з 2012 года. І за гэтыя гады значна падрос узаемны тавараабарот. За мінулы год — 94 мільёны долараў», — звярнуў увагу старшыня. Але задачы стаяць больш маштабныя.

Акрамя таго, было падкрэслена супрацоўніцтва Беларусі і Грузіі ў міжнародных арганізацыях. У ліпені будзе праходзіць сесія Парламенцкай асамблеі АБСЕ ў Берліне. Уладзімір Андрэйчанка расказаў, што для яе падрыхтавана беларуская рэзалюцыя па развіцці лічбавай эканомікі.

Валерый Кварацхелія ў сваю чаргу адзначыў, што супрацоўніцтва ідзе на добрым узроўні. Па словах пасла, большасць з падпісаных у сакавіку пагадненняў ужо працуе. У тым ліку прадпрыемствы пачалі больш актыўна ўзаемадзейнічаць. Напрыклад, было закуплена 30 беларускіх камбайнаў. Спадар Кварацхелія расказаў, што на пачатку чэрвеня будзе абмяркоўвацца пытанне закупкі электробусаў, не выключана, што размова будзе ісці і пра сумесную вытворчасць у Грузіі.

Надзея АНІСОВІЧ

Загаловак у газеце: Працяг дыялогу з Грузіяй

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.