З 21 па 25 мая на аб'ектах чыгуначнага транспарту міліцыянеры правядуць спецыяльнае комплекснае мерапрыемства “Бяспека”. Інфармацыя пра гэта размешчана на сайце МУС. Спецыялісты акцэнтуюць увагу на папярэджанні няшчасных выпадкаў і ДТЗ.
Паводле звестак МУС, з пачатку года пад пасажырскія і грузавыя цягнікі трапілі 39 чалавек, з якіх 26 загінулі, астатнія траўмаваныя. Каля 30 працэнтаў пацярпелых знаходзіліся ў стане алкагольнага ап'янення.
Часцей за ўсё няшчасныя выпадкі фіксаваліся на перагонах ў вячэрні час, радзей — уначы на станцыях і прыпыначных пунктах. Асноўныя прычыны трагедый — пераход пуцей у забароненых месцах і перад надыходзячымі саставамі, а таксама парушэнне мер бяспекі на платформах.
З пачатку года да адміністрацыйнай адказнасці за пераход чыгуначных пуцей або знаходжанне на іх у неўсталяваным месцы прыцягнута звыш 3 600 чалавек.
Акрамя няшчасных выпадкаў, зарэгістравана чатыры ДТЗ з удзелам аўтамабіляў і цягнікоў, у выніку якіх адзін чалавек загінуў і тры — траўмаваныя.
У МУС папярэджваюць, што аб'екты чыгуначнага транспарту аднесены да катэгорыі павышанай небяспекі, дзе варта быць вельмі ўважлівымі і выконваць устаноўленыя правілы.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».