Вы тут

Чым здзівіць Вялікі тэатр на Дні адчыненых дзвярэй?


25 мая Нацыянальны акадэмічны Вялікі тэатр оперы і балета Рэспублікі Беларусь з 12:00 да 16:00 запрашае ўсіх, хто пакуль яшчэ нічога не ведае аб тэатральным закуліссі, але марыць акунуцца ў яго чароўны свет, на Дзень адчыненых дзвярэй. Гасцей чакаюць цікавыя экскурсіі, займальныя майстар-класы, канцэрты, творчыя сустрэчы.


Экскурсіі

Супрацоўнікі тэатра падрыхтавалі для гасцей свята экскурсіі па фае і глядзельнай зале, дзе раскажуць гісторыю беларускага «Вялікага», а майстры бутафорыі і грымёры падзеляцца тонкасцямі стварэння рэквізіту і сцэнічнага грыму.

Арганізатары распрацавалі некалькі экскурсійных маршрутаў. Так, тым, хто прывык асвойваць новыя аб'екты самастойна, прапануюць стаць артыстамі «на гадзіну»: у тэатральных зонах оперы «Сельскі гонар», «Багема» і балета «Ор і Ора» кожны жадаючы зможа прымерыць касцюмы са спектакляў, дакрануцца да элементаў дэкарацый, а таксама зрабіць фота з тэатральным рэквізітам. Маленькіх гасцей запрашаюць у госці да Алісы з «Краіны цудаў», а юных гледачоў — на выставу «Вялікі тэатр — дзецям», дзе будуць прадстаўлены архіўныя афішы дзіцячых спектакляў і цацкі-пераможцы штогадовага конкурсу «Тэатральная цацка».

Майстар-класы

Для тых, хто жадае спасцігнуць асновы прафесіі артыста балета, оперы і мімансу, будуць арганізаваны майстар-класы:

  • па вакале (пачатак: 12:10, 12:50, 13:30, 14:10, 14:50, 15:30);
  • класічным танцы (пачатак: 12:05, 13:00);
  • акцёрскім майстэрстве ў оперным спектаклі (пачатак: 14:00, 15:00);
  • па гульні на ўдарных інструментах пад кіраўніцтвам музыкантаў аркестра (пачатак: 12:20, 13:15, 14:15, 15:15).

Канцэрты

На працягу ўсяго Дня адчыненых дзвярэй вас чакаюць насычаныя канцэртныя праграмы ў камернай зале, а таксама на двух «сцэнах» у фае.

На ўзроўні бельэтажа адбудзецца ўзнагароджанне ўсіх, хто служыць тэатральнаму мастацтву, а таксама канцэрт і ўрачыстае адкрыццё Дня нараджэння тэатра. Віншаваць «Вялікі» будуць навучэнцы музычнага аддзялення гімназіі-каледжа мастацтваў імя Ахрэмчыка, ансамбль Amadis Brass, струнны квінтэт «Серэнада».

На другой канцэртнай пляцоўцы, у фае партэра тэатра, адбудзецца «Незвычайны канцэрт»: музыканты выканаюць кампазіцыі для ўдарных і арфы, інструментальнымі творамі парадуе слухачоў трыа Gloria, а салісты оперы — міні-канцэртам іспанскай музыкі. 

Творчыя сустрэчы

У гэты дзень у камернай зале імя Л.П. Александроўскай адбудуцца творчыя сустрэчы:

  • з галоўным рэжысёрам Міхаілам Панджавідзэ (12:15 — 13:00);
  • галоўным дырыжорам Віктарам Пласкінай (13:15 — 14:00);
  • мастацкім кіраўніком балета Юрыем Траянам (14:15 — 15:00);
  • балетмайстрам-пастаноўшчыкам Аляксандрай Ціхаміравай (15:15 — 16:00).

І яшчэ...

Пры жаданні, майстры грымёрнага цэха ўсяго за некалькі хвілін «наросцяць» вам вусы сапраўднага гусара, састараць або, наадварот, амаладзяць, ператвораць у казачнага героя.

Упершыню свой Дзень нараджэння разам з гледачамі Вялікі тэатр адсвяткаваў у 2015 годзе. Штогод 25 мая галоўную акадэмічную сцэну краіны наведваюць некалькі тысяч гасцей.

Ганна БАГІНО

Фота БЕЛТА і bolshoibelarus.by

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.