Вы тут

Усе беларускія тэлекампаніі да лістапада пяройдуць на HD-фармат


Усе беларускія тэлекампаніі да лістапада бягучага года пяройдуць на HD-формат вяшчання, заявіў міністр сувязі і інфарматызацыі Сяргей Папкоў сёння на адкрыцці ІІ Беларускага ІКТ-саміту.


"Летам 2015 года мы цалкам перайшлі на трансляцыю лічбавага тэлебачання. Да лістапада бягучага года скончым перавод усіх тэлекампаній і аператараў сувязі на дастаўку кантэнту ў рэжыме HD-якасці", - сказаў Сяргей Папкоў.

Паводле яго слоў, лічбавая трансфармацыя эканомікі, сацыяльнага жыцця немагчыма без развіцця інфармацыйна-камунікацыйных тэхналогій (ІКТ). "Актыўна развіваецца пратакол 4G, не за гарамі ўкараненне 5G, на базе якога неабходна развіваць лічбавую індустрыялізацыю, будзем займацца інтэрнэтам рэчаў", - сказаў міністр.

Ён пажадаў удзельнікам ІІ Беларускага ІКТ-саміту плённай працы. Мерапрыемства ўключае пленарнае і секцыйныя пасяджэнні, прысвечаныя розным тэхналагічным трэндам. Сярод іх тэхналогіі шырокапалоснага доступу, інтэрнэт рэчаў, воблачныя тэхналогіі, машыннае навучанне, штучны інтэлект, дапоўненая і віртуальная рэальнасць, блокчэйн, 3D-тэхналогіі мадэлявання і візуалізацыі, інфармацыйная бяспека. У саміце прымаюць удзел кіраўнікі вядучых ІКТ кампаній і кіраўнікі прадстаўніцтваў сусветных брэндаў з Беларусі, Расіі, Кітая і іншых краін. Удзельнікі мерапрыемства маюць магчымасць прадставіць інавацыйныя рашэнні і перадавыя тэхналогіі, устанавіць перспектыўныя і доўгатэрміновыя дзелавыя кантакты.

Саміт праходзіць у рамках XXV Міжнароднага форуму па інфармацыйна-камунікацыйных тэхналогіях "ТІБО-2018", работа якога прадоўжыцца па 18 мая.

БЕЛТА

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».