22 Верасень, субота

Вы тут

У чаканні палёту


Прывітанне! Мяне завуць Мацвей, мне ўжо 1,5 года. Усе кажуць, што я беларускі амерыканец, бо нарадзіўся ў Амерыцы. Але я лічу сябе амерыканскім БЕЛАРУСАМ! Мяне зараз усё цікавіць. Напрыклад, нядаўна навучыўся дзьмуць у гліняную свістульку, якую мне перадала мая беларуская цёця. Вельмі люблю танцаваць пад музыку, а таксама слухаць, як мама ці тата чытае казкі ды вершы. Сам я літар яшчэ не ведаю, але ахвотна разглядаю яркія малюнкі. У мяне ўжо нават ёсць асабістая невялічкая кніжная шафа: у ёй не толькі рускамоўныя і англамоўныя кнігі, але і некалькі беларускамоўных.


Але больш за ўсё люблю збіраць розныя палачкі і каменьчыкі, а таксама назіраць за жывёламі. Мама з татам часта водзяць мяне ў заапарк. Там шмат розных экзатычных жывёл: белы мядзведзь, пінгвіны, жырафа... Але я з нецярпеннем чакаю, калі ўпершыню палячу ў Беларусь, на радзіму сваіх бацькоў. Мама кажа, што ў вёсцы мне вельмі спадабаецца. Там у бабулі з дзядулем ёсць сапраўдная карова і маленькае парася, а таксама коцік.

Шаноўныя мамы і таты, бабулі і дзядулі! Запрашаем вас прыняць удзел у конкурсе «Беларусікі». Дасылайце здымкі вашых дзетак, унукаў, а можа, нават і праўнукаў (з невялічкім аповедам) на адрас «Звязды». Але адна ўмова — каб, зірнуўшы на фота, адразу ж можна было зразумець, што гэта беларусік. Арыгінальнасць і творчы падыход вітаюцца! Аднаго з герояў, якога мы ўбачым на здымках, чакае прыз!

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.