Вы тут

Кабякоў наведаў выстаўку "ТІБО-2018"


Андрэй Кабякоў азнаёміўся з цэнтральнай экспазіцыяй на выстаўцы "ТІБО-2018" - стэндам "IT-краіна Беларусь". Кіраўніку ўрада прадэманстравалі інавацыйныя распрацоўкі ў сферы інфармацыйных тэхналогій дзяржорганаў і беларускіх IT-кампаній, рэзідэнтаў Парка высокіх тэхналогій, а таксама магчымасці прымянення гэтых распрацовак у ахове здароўя, адукацыі, сферы грамадскай бяспекі, транспартнай сферы, сельскай гаспадарцы.


Асаблівую цікавасць выклікалі стэнды Міністэрства аховы здароўя і Міністэрства адукацыі. Міністэрства аховы здароўя прадставіла рабочае месца ўрача агульнай практыкі з магчымасцю выпіскі электронных рэцэптаў. Цікавы праект прэзентавалі на "ТІБО" і ў Мінадукацыі - мадэль сучаснага класа, аснашчанага інтэрактыўнай вучэбнай панэллю і індывідуальнымі планшэтамі для вучняў і педагога, што дазволіць дабіцца максімальнай візуалізацыі і індывідуалізацыі працэсу навучання на прыкладзе рэальных міні-ўрокаў.

На цэнтральнай экспазіцыі выстаўкі былі прадстаўлены і іншыя цікавыя праекты - экалагічныя карты горада, сістэма кантролю легальнасці тавараў на базе Rfid-тэхналогіі, праграмнае забеспячэнне для дакладнага земляробства, электронная гандлёвая пляцоўка, праграмнае забеспячэнне для дакладнага земляробства.

У гэтым годзе ў "ТІБО" прымае ўдзел Аператыўна-аналітычны цэнтр пры Прэзідэнце Беларусі, свае распрацоўкі тут прадстаўляюць НЦЭП і НЦАТ. На агульным стэндзе з ААЦ інфраструктурны аператар beCloud арганізаваў тэставую зону сувязі 5G з базавай станцыяй.

Прэм'ер-міністр таксама наведаў нацыянальныя экспазіцыі Казахстана (краіны-партнёра форуму ў гэтым годзе) і Азербайджана.

Выстаўка "ТІБО" пачала работу 15 мая. У ёй прымаюць удзел больш за 100 кампаній, якія прадстаўляюць прадукцыю з 15 краін (Беларусь, Азербайджан, Арменія, Вялікабрытанія, Егіпет, Казахстан, Кыргызстан, Кітай, Літва, Польшча, Расія, ЗША, Турцыя, Украіна, Японія).

У гэтым годзе на "ТІБО" дэманструюць дасягненні ў робататэхніцы, новыя мабільныя сэрвісы і дадаткі, інфармацыйныя тэхналогіі для гарадскога сектара і ЖКГ, геаінфармацыйныя і навігацыйныя тэхналогіі. Арганізатары робяць акцэнт на падтрымцы стартапаў і папулярызацыі IT сярод моладзі.

Выстаўка з'яўляецца часткай XXV Міжнароднага форуму па інфармацыйна-камунікацыйных тэхналогіях "ТІБО-2018". Работа форуму прадоўжыцца па 18 мая.

БЕЛТА

Дадаць каментар

Выбар рэдакцыі

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.

Культура

Віктар Альшэўскі: І з фанеры можна стварыць нешта выключнае

Віктар Альшэўскі: І з фанеры можна стварыць нешта выключнае

У «высокім» арт-асяродку таксама ёсць месца жарсцям і інтрыгам. 

Грамадства

Дзень маці адсвяткавалі ў Нацыянальным цэнтры ўсынаўлення

Дзень маці адсвяткавалі ў Нацыянальным цэнтры ўсынаўлення

Папяровыя кветкі, маляўнічыя паштоўкі, песні, танцы і мора праніклівых, ласкавых слоў.