Вы тут

Новую форму ў рабоце педыятраў паспрабавалі ў Гродне


Што з гэтага атрымалася?


Пакуль гаворка ідзе пра адну дзіцячую амбулаторыю ў маладым і найбуйнейшым мікрараёне города — Альшанцы. Тут у якасці эксперымента паспрабавалі работу педыятрычнай каманды.

Як расказала галоўны ўрач Гродзенскай дзіцячай паліклінікі № 2 Жанна ЦЮЛЬКІНА, гэта новаўвядзенне апраўдвае сябе ў вялікім мікрараёне, які хутка расце і дзе адчуваецца сур'ёзная загружанасць педыятраў. Так, у 2014 годзе, калі амбулаторыя адкрывалася, яна абслугоўвала 2300 дзяцей, а цяпер колькасць маленькіх пацыентаў вырасла да 9373.

— Мы вырашылі на этапе першаснай дапамогі, максімальна набліжанай да месца жыхарства пацыентаў, паспрабаваць работу каманды, у склад якой уваходзяць урач, медсястра і памочнік урача. Апошні — гэта фельчар, які частку функцый педыятра можа выканаць самастойна: правесці першасны агляд, зрабіць ЭКГ, выдаць неабходную даведку, наведаць пацыента, карацей кажучы, акумуляваць на сабе частку руціннай працы, — кажа суразмоўніца.

Усяго створаны дзве такія каманды, якія знаходзяцца ў кабінеце здаровага дзіцяці, што дазваляе яму працаваць у дзве змены. Кіраўніцтва дзіцячай паліклінікі лічыць, што эксперымент можна лічыць удалым і такую практыку работы трэба выкарыстоўваць у амбулаторыях новых мікрараёнаў.

Вольга АНУФРЫЕВА

Загаловак у газеце: Удалы эксперымент

Выбар рэдакцыі

Грамадства

Як i калi прыняць спадчыну, атрымаць яе i захаваць?

Як i калi прыняць спадчыну, атрымаць яе i захаваць?

Карэспандэнту «Звязды» дапамагалi разбiрацца спецыялiсты.

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.