Вы тут

Фінішаваў конкурс «БрамаМар»


15 мая свае першыя крокі да мары зрабілі фіналісты Рэспубліканскага літаратурнага конкурсу “БрамаМар”.


Сёлета ён ужо восьмы па ліку, але гэтым разам яго арганізатарамі сталі Міністэрства інфармацыі Рэспублікі Беларусь, Выдавецкі дом «Звязда», рэдакцыі часопісаў «Маладосць» і «Бярозка», а таксама — на правах ранейшага арганізатара, заснавальніка і носьбіта ідэі — Інстытут журналістыкі БДУ, кафедра літаратурна-мастацкай крытыкі.

Афіцыйнымі партнёрамі конкурсу з гэтага года з'яўляюцца выдавецтвы «Беларусь», «Беларуская энцыклапедыя»  імя П. Броўкі, «Чатыры чвэрці». Менавіта яны прадаставілі кнігі, якія былі ўручаны фіналістам у якасці прызоў. Акрамя таго, кожны студэнт-фіналіст атрымаў у падарунак экземпляр часопіса “Маладосць”, кожны школьнік — часопіс “Бярозка”.

Фінальныя мерапрыемствы конкурсу наведала каля 90 чалавек. Удзельнікі школьнай часткі —  “БрамаМар-юні” — прыехалі ў Мінск з розных гарадоў Беларусі. Перад тым як сустрэцца з сябрамі журы, удзельнікі і госці мелі магчымасць прадэманстраваць сваю творчасць, прачытаўшы вершы або ўрыўкі з прозы ў “адкрыты мікрафон”. Майстар-класы для фіналістаў правялі пісьменніца і рэдактар аддзела прозы часопіса «Маладосць» Маргарыта Латышкевіч, паэт і выкладчык кафедры літаратурна-мастацкай крытыкі Арцём Кавалеўскі.

Увечары, на цырымоніі ўзнагароджання, былі ўручаны дыпломы і прызы пераможцам ў дзвюх намінацыях школьнай і ў пяці намінацыях студэнцкай частак конкурсу. Сваёй музыкай упрыгожылі мерапрыемства Наталля Зайцава і гурты «Бачу ўпершыню» і «Jack Wald».

Больш падрабязна пра фінал конкурсу «БрамаМар» можна прачытаць на старонках часопіса «Маладосць», які надрукуе таксама  лепшыя студэнцкія творы. Лепшыя творы школьнікаў чакаюцца на старонках часопіса «Бярозка».

Выбар рэдакцыі

Спорт

«Людзі думаюць, што ўсёмагутныя і — разбіваюцца»

«Людзі думаюць, што ўсёмагутныя і — разбіваюцца»

Ці так небяспечны парашутны спорт, як здаецца на першы погляд?

Грамадства

Дзе знаходзяць падтрымку бацькі асаблівых малых?

Дзе знаходзяць падтрымку бацькі асаблівых малых?

Стаялі ў калідоры і ўспаміналі першыя крокі ў выхаванні сваіх асаблівых дзетак.

Культура

«Калі чалавецтва зноў паставіць перад сабой высокія пытанні, яно мяне ўспомніць»

«Калі чалавецтва зноў паставіць перад сабой высокія пытанні, яно мяне ўспомніць»

Пагутарылі з дачкой вядомага ўраджэнца Віцебска Лазара Хідэкеля.