23 Чэрвень, субота

Вы тут

Што адбылося за тыдзень у Савеце Рэспублікі


У Мінску прайшоў круглы стол, прысвечаны Мэтам устойлівага развіцця

Іх усяго 17, і ўжо некалькі гадоў яны — галоўныя арыенціры для ўсяго чалавецтва на шляху да агульнага дабрабыту. Мэты ўстойлівага развіцця ўключаюць ліквідацыю беднасці, голаду, развіццё гендарнай раўнавагі, якаснай адукацыі і іншых дабротаў, дасягнуць якіх магчыма толькі супольна.

Тэма круглага стала — «Партнёрства пры фарміраванні і прымяненні індыкатараў дасягнення Мэт устойлівага развіцця». Намеснік пастаяннага прадстаўніка ПРААН у Беларусі Закары Тэйлар адзначыў, што дасягненне раўнамернага прагрэсу ў рэалізацыі Мэт у краіне стала магчымым у тым ліку дзякуючы сістэме паказчыкаў (індыкатараў). «Калі нешта немагчыма вымераць, то немагчыма гэтым кіраваць і паляпшаць. Таму стварэнне ў Рэспубліцы Беларусь платформаў і сістэм адсочвання праз паказчыкі з'яўляецца адным з ключавых фактараў поспеху, якога дасягнулі», — кажа Закары Тэйлар.

На міжнароднай арэне Беларусь адзначаюць як аднаго з лідараў у рэалізацыі Мэт устойлівага развіцця. Але асабліва важна, каб гэты працэс адбываўся ўнутры краіны. Сёння ў яго ўключаны і органы ўлады, і грамадскія колы. «Мы асаблівае значэнне надаём рабоце нашай партнёрскай групы. Яна адкрытая, туды ўваходзяць прадстаўнікі грамадскасці, дзелавых колаў, бізнесу — тыя, хто зацікаўлены ў рабоце па дасягненні Мэт устойлівага развіцця. Для таго каб гэтая работа ішла мэтанакіравана, у партнёрскай групе вызначылі лідараў, якія будуць узначальваць групы эканомікі, экалогіі, сацыяльнай работы і палітыкі. Яны павінны разумець, што адбываецца і якія паказчыкі (індыкатары) неабходна выкарыстоўваць», — сказала Мар'яна Шчоткіна, нацыянальны каардынатар па дасягненні Мэт устойлівага развіцця, намеснік старшыні Савета Рэспублікі Нацыянальнага сходу.

Асаблівая роля ў намечанай рабоце належыць заканадаўчай уладзе. «Парламент тут грае вялікую ролю, таму што ўся прававая база і перадусім заканадаўства павінны абавязкова стварацца з тым, каб адсочваць прагрэс па Мэтах устойлівага развіцця. Мы, дарэчы, ужо ўзнімалі пытанне, і яно было падтрымана, што любы законапраект, які ўносіцца ў парламент, павінен мець радок або раздзел, які гаворыць аб Мэтах устойлівага развіцця», — адзначыла Мар'яна Шчоткіна.


У Савеце Рэспублікі прынялі прадстаўніка сената Польшчы

У верхняй палаце беларускага парламента адбылася сустрэча старшыні Пастаяннай камісіі Савета Рэспублікі па адукацыі, навуцы, культуры і сацыяльным развіцці Ірыны СТАРАВОЙТАВАЙ з намеснікам старшыні камісіі сената Рэспублікі Польшча па пытаннях эміграцыі і сувязях з палякамі за мяжой Мацеем ЛУЧАКАМ. У сустрэчы таксама прыняла ўдзел член Пастаяннай камісіі Савета Рэспублікі Кацярына ДУЛАВА.

Бакі адзначылі пазітыўныя тэндэнцыі ў развіцці беларуска-польскага міжпарламенцкага дыялогу, а таксама абмеркавалі пытанні далейшага ўдасканалення ўзаемавыгаднага супрацоўніцтва Рэспублікі Беларусь і Рэспублікі Польшча ў навуковай, адукацыйнай, культурнай і іншых сферах.


Прапановы ад сенатараў. Як будуць выконвацца даручэнні Прэзідэнта?

Прэзідыум Савета Рэспублікі Нацыянальнага сходу Беларусі зацвердзіў план дзеянняў па выкананні даручэнняў кіраўніка дзяржавы ў 2018 годзе.

План накіраваны на рэалізацыю даручэнняў Прэзідэнта Рэспублікі Беларусь Аляксандра Лукашэнкі, дадзеных падчас справаздачы ўрада, Нацыянальнага банка, аблвыканкамаў і Мінскага гарвыканкама 2 сакавіка гэтага года, звароту са штогадовым Пасланнем да беларускага народа і Нацыянальнага сходу Рэспублікі Беларусь 24 красавіка, а таксама нарады па рашэнні актуальных пытанняў сацыяльна-эканамічнага развіцця Беларусі 3 мая.

Асаблівая ўвага ў дакуменце ўдзелена пытанням фарміравання нарматыўнай базы для пабудовы эканомікі, якая забяспечвае дасягненне да канца 2025 года аб'ёма ўнутранага валавога прадукту на ўзроўні $100 мільярдаў. З гэтай мэтай будуць падрыхтаваны прапановы для ўключэння ў праект Праграмы сацыяльна-эканамічнага развіцця Рэспублікі Беларусь на 2021—2025 гады адначасова з прапановамі па прававым забеспячэнні іх рэалізацыі.

Марыя ДАДАЛКА, Вераніка ПУСТАВІТ

Дадаць каментар

Выбар рэдакцыі

Культура

Топ беларускіх дыялектызмаў, якія вы маглі не ведаць

Топ беларускіх дыялектызмаў, якія вы маглі не ведаць

Нязвыклая форма — заўсёды штуршок для пошуку.

Культура

Як мог выглядаць Мінск? Ведае беларускі архіў

Як мог выглядаць Мінск? Ведае беларускі архіў

Дзе замежнікі вывучаюць савецкую архітэктуру.

Культура

У Вілейцы можна ўбачыць станок, аналагічны таму, за якім працаваў Скарына

У Вілейцы можна ўбачыць станок, аналагічны таму, за якім працаваў Скарына

Ёсць тут зала друкаванай прэсы. Аднак асаблівую цікавасць, безумоўна, выклікае ў экспазіцыі друкарскі варштат.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра бунт малога, выпадак на ферме і цікавае выступленне на вяселлі.